ရေအားလျှပ်စစ်စီမံကိန်းတွေ အကောင်အထည်ဖော်မှုကြောင့် ဖြစ်ပေါ်လာမယ့် ပတ်ဝန်းကျင်နဲ့ လူမှုရေးဆိုင်ရာ ကိစ္စရပ်တွေကို ကိုင်တွယ်ဖြေရှင်းရာမှာ စနစ်တကျ ပွင့်လင်းမြင်သာမှုရှိလာစေမယ့် ပတ်ဝန်းကျင်နှင့် လူမှုရေးစီမံခန့်ခွဲမူဆိုင်ရာ မူဝါဒစတင်ကျင့်သုံးနေပြီလို့ သြဂုတ်လ ၁၀ ရက်က နေပြည်တော်မှာရှိတဲ့ လျှပ်စစ်နှင့်စွမ်းအင်ဝန်ကြီးဌာနရုံးမှာ ပြုလုပ်ခဲ့တဲ့  သတင်းစာ ရှင်းလင်းပွဲမှ သိရပါတယ်။ ပတ်ဝန်းကျင်နှင့်လူမှုရေးစီမံခန့်ခွဲမူဆိုင်ရာ မူဝါဒကို ၂၀၁၇ ခုနှစ် ဇွန်လ(၆)ရက်နေ့က ပြုလုပ်ခဲ့တဲ့ လျှပ်စစ်နှင့်စွမ်းအင်ဝန်ကြီးဌာန အမှုဆောင်ကော်မတီ အစည်းအဝေးကနေ အတည်ပြုခဲ့တာဖြစ်တယ်လို့ သိရပါတယ်။
 
ပတ်ဝန်းကျင်နှင့် လူမှုရေးစီမံခန့်ခွဲမူဆိုင်ရာ မူဝါဒကို ရေအားလျှပ်စစ်စီမံကိန်း စတင်အကောင်အထည်ဖော်ချိန်ကနေ အောင်မြင်စွာ အကောင်အထည် ဖော်ပြီးချိန်အထိ နိုင်ငံတော်ကချမှတ်ထားတဲ့
ဥပဒေတွေနဲ့ နိုင်ငံတကာက ချမှတ်ထားတဲ့ စံနှုန်းတွေနဲ့ တပြေးညီဖြစ်စေဖို့ ရေးဆွဲခဲ့တာဖြစ်တယ်လို့ သိရပါတယ်။ ဒါ့အပြင်ပတ်ဝန်းကျင်နှင့် လူမူရေးစီမံခန့်ခွဲမှုဆိုင်ရာ မူဝါဒကို စတင်အကောင်အထည်ဖော်မည့် ရှေ့ပြေးစီမံချက်အဖြစ် ရခိုင်ပြည်နယ်က သူဌေးချောင်းရေအားလျှပ်စစ်စီမံကိန်းကို ရွေးချယ်ထား တယ်လို့ သိရပါတယ်။ စီမံကိန်းသက်ရောက်မှုခံရမယ့်ဒေသခံတွေအပြင် အကျိုးစီးပွား ပတ်သက်နေ သူတွေနဲ့ ဆွေးနွေးကာ စီမံချက်ရေးဆွဲပြီး ဒေသခံတွေအတွက် ပြန်လည်နေရာချ ထားပေးရေးနှင့်အသက်မွေးဝမ်းကြောင်း အထောက်အပံ့တွေ၊ ပတ်ဝန်းကျင်ဆိုင်ရာ စောင့်ကြည့်ခြင်းတွေကို လုပ်ဆောင် သွားမယ်လို့ သိရပါတယ်။ 
 
 
 

Related News