ရန်ကုန်ဘူတာကြီးအတွင်းမှာရှိတဲ့ မီးရထားအသွားအလာကို အချက်ပြပေးတဲ့ မီးပွိုင့်စနစ်တွေ အဆင်ြ့မှင့်တင်မှု ၅၀ ရာခိုင်နှုန်းကျော် ပြီးစီးနေပြီဖြစ်တယ်လို့ သိရပါတယ်။ ရန်ကုန်ဘူတာကြီးအတွင်းမှာ လက်ရှိအသုံးပြုနေတဲ့ အချက်ပြမီးပွိုင့်စနစ်တွေဟာ ၁၉၆၀ ခုနှစ်ကျော်ကတည်းက တပ်ဆင်ခဲ့တဲ့ မီးပွိုင့်စနစ်တွေဖြစ်တဲ့အတွက် အခုလို ပြန်လည်အဆင့်မြှင့်တင်ပြီး ပြင်ဆင်နေတာဖြစ်တယ်လို့ သိရပါတယ်။ ရန်ကုန်ဘူတာကြီးအတွင်းက အချက်ပြ မီးပွိုင့်စနစ်တွေဟာ ကာလကြာရှည်တာနဲ့အမျှ ချွတ်ယွင်းမှုများလာတဲ့အတွက် အခုလို အချက်ပြ မီးပွိုင့်စနစ်တွေကို လွန်ခဲ့တဲ့(၆)လတည်းက ပြန်လည်ပြင်ဆင်နေခဲ့တာဖြစ်ပြီး ဒီနှစ်အကုန်မှာ အပြီးဆောင်ရွက်သွားမှာ ဖြစ်တယ်လို့လည်း သိရပါတယ်။
 
အချက်ပြမီးပွိုင့်စနစ်တွေ ပြန်လည်ပြင်ဆင်နေမှုကို ဂျပန်နိုင်ငံ(JICA) အဖွဲ့နဲ့ ပူးပေါင်း ဆောင်ရွက်နေတာဖြစ်ပြီး ရန်ကုန်မြို့ ပတ်ဧရိယာအတွင်းမှာ  အချက်ပြမီးပွိုင့်စနစ်(၈၀) ကျော်ရှိကာ  ရထားမီးပွိုင့်အချက်ပြစနစ်တွေအကုန်လုံးကို ကွန်ပျူတာစနစ်နဲ့ ထိန်းချုပ်ဖို့ အစီအစဉ်ရှိတယ်လို့ သိရပါတယ်။ ရန်ကုန်ဘူတာကြီးအတွင်းက အချက်ပြမီးပွိုင့်စနစ်တွေအဆင့်မြှင့်တင်ပြီးရင်တော့ မြို့ ပတ်ရထားမီးပွိုင့် အဆင့်မြှင့်တင်တာ၊  ရန်ကုန်-မန္တလေးရထားပိုင်း အချက်ပြမီးပွိုင့်စနစ် အဆင့်မြှင့်တာတွေ ဆက်လက်လုပ်ဆောင်သွားမှာဖြစ်တယ်လို့သိရပါတယ်။
 
 
 

Related News