အမျိုးသားလွှတ်တော်က ပြင်ဆင်ချက်နဲ့ အတည်ပြုပေးပို့လာတဲ့ ဆက်သွယ်ရေးဥပဒေကို ပြင်ဆင်တဲ့ ဥပဒေမူကြမ်းကို ပြည်သူ့လွှတ်တော်ဥပဒေကြမ်းကော်မတီက လေ့လာတွေ့ရှိချက်တွေကို ပြည်သူ့လွှတ်တော်မှာ တင်သွင်းခဲ့တယ်လို့ သိရပါတယ်။ ပြည်သူ့လွှတ်တော် ဥပဒေကြမ်းကော်မတီရဲ့ လေ့လာတွေ့ရှိချက် အစီရင်ခံစာဖတ်ကြား တာကို သြဂုတ်လ၁၀ရက်က ပြုလုပ်ခဲ့တဲ့ ဒုတိယအကြိမ် ပြည်သူ့လွတ်တော် ပဉ္စမပုံမှန် အစည်းအဝေးမှာ ပြုလုပ်ခဲ့တာဖြစ်ပါတယ်။ ဥပဒေကြမ်းကော်မတီရဲ့ လေ့လာတွေ့ရှိချက် အစီရင်ခံစာကိုတင်သွင်းရာမှာ အမျိုးသား လွှတ်တော်က စတင်တင်သွင်းတဲ့ ဥပဒေကြမ်းမှာ အပိုဒ်လေးပိုဒ်ပါဝင်ပြီး အမျိုးသားလွှတ်တော်ရဲ့ အတည်ပြုချက်ထဲက အချက်လေးချက်ကိုသတောတူခဲ့ကာ အသစ်ပြင်ဆင်လိုချက်တွေ၊ အစားထိုး ပြင်ဆင်လိုတဲ့ အချက်တွေနဲ့ ပတ်သက်ပြီး တင်ပြခဲ့တယ်လို့ သိရပါတယ်။
 
အဓိကအချက်တွေ အနေနဲ့ အာမခံရရှိရေး၊ အသရေဖျက်မှုကဲ့သို့သော ကိစ္စများတွင် နစ်နာသူကိုယ်တိုင် ဒါမဟုတ် ကိုယ်စားလွှဲအပ်ခြင်းခံရသူရဲ့ တိုင်ကြားချက်ကိုသာ အရေးယူဆောင်ရွက်ဖို့နဲ့ ပတ်သက်တဲ့ အချက်တွေ ပါဝင်တယ်လို့လဲ သိရပါတယ်။ ဆက်သွယ်ရေးဥပဒေကိုပြင်ဆင်သည့် ဥပဒေမူကြမ်းကို အမျိုးသားလွှတ်တော်မှာ ဇူလိုင်လ (၁၃)ရက်က ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယ၀န်ကြီးက စတင် တင်သွင်းခဲ့ပြီး အမျိုးသားလွှတ်တော်ကိုယ်စားလှယ်တွေ ဆွေးနွေးခဲ့ကြကာ ဥပဒေကြမ်းကို သြဂုတ်လ(၂)ရက်က ပြုလုပ်ခဲ့တဲ့အမျိုးသားလွှတ်တော်မှ တစ်ပိုက်ချင်းစီအလိုက် မဲခွဲဆုံးဖြတ်ကြပြီး အတည်ပြုခဲ့တာလို့ သိရပါတယ်။
 
 
 

Related News