ရန်ကုန်မြို့တွင်းပြေးဆွဲနေတဲ့ YBS  ခရီးသည်တင်ယာဉ်လိုင်းတွေမှာ မောင်းနှင်နိုင်ဖို့အတွက် ရန်ကုန်တိုင်းဒေသကြီး သယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့မှ အမျိုးသမီး ယာဉ်မောင်းများကို ယခုလထဲမှာစတင်ခေါ်ယူနေပြီလို့ သိရပါတယ်။ ရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့မှ အမျိုးသမီး ယာဉ်မောင်းတွေကို ခေါ်ယူတာဟာ အမျိုးသမီးတွေရဲ့အလုပ်အကိုင်အခွင့်အလမ်းတွေကို ဖော်ဆောင်ပေးရာ ရောက်တယ်လို့ ပြောပါတယ်။  လက်ရှိမှာလည်းလျှောက်လွှာတွေကို စတင် လက်ခံနေပြီး လာရောက်လျှောက်ထားတဲ့အမျိုးသမီးတွေအနေနဲ့ (ခ)လိုင်စင်အနက်(၃)နှစ် ပြည့်ပြီးမှသာ လက်ခံမှာဖြစ်ပါတယ်။
 
အမျိုးသမီးယာဉ်မောင်းတွေအနေနဲ့ YBS   ယာဉ်သစ်တွေမှာ ၀င်ရောက်မောင်းနှင်လိုပါက ရွာသာကြီး(ကညန)မှာ သင်တန်းတက်ရောက်ပြီး အောင်မြင်မှသာ အမျိုးသားယာဉ်မောင်းများနည်းတူ မောင်းနှင်ရမှာဖြစ်တယ်လို့ သိရပါတယ်။လက်ရှိမှာရန်ကုန်တိုင်းဒေသကြီးသယ်ယူပို့ဆောင်ရေးကြီးကြပ်ကွပ်ကဲမှု အာဏာပိုင်အဖွဲ့က ပထမဆုံးအကြိမ် ဖွင့်လှစ်ပေးပြီးတဲ့ယာဉ်မောင်းအထူးသင်တန်းမှ အောင်မြင်သွားတဲ့ ယာဉ်မောင်းတွေကို အများပိုင်ကုမ္ပဏီ (၃)ခုမှာ (၂၅)ဦးစီခန့် အပ်ထားပြီးဖြစ်တယ်လို့ သိရပါတယ်။ ဒါ့အပြင်ဒုတိယအကြိမ်အနေနဲ့ ယာဉ်မောင်းအထူးသင်တန်းကို ပြီးခဲ့တဲ့ သြဂုတ်လ(၇)ရက်က ဖွင့်လှစ်သင်ကြားပေးနေတယ်လို့ သိရပါတယ်။
 
 
 

Related News