ရန်ကုန်က မှုခင်းစာရေးတွေအဖြစ်တာဝန်ယူလုပ်ကိုင်နေတဲ့ တပ်ကြပ်ကြီးအဆင့်တပ်ဖွဲ့ဝင် တွေကို လုပ်ငန်းခွင်မွန်မံသင်တန်းကို  (၂)ပတ်ကြာပေးခဲ့ပြီး သင်တန်းဆင်ပွဲကို ဒီကနေ့သြဂုတ် (၁၂)ရက်နေ့မှာ ရန်ကုန်တိုင်းဒေသကြီး ရဲတပ်ဖွဲ့မှူးရုံးမှာပြုလုပ်လိုက်ပါတယ်။ ရန်ကုန်တိုင်းရဲတပ်ဖွဲ့က ဒီသင်တန်းကို မြန်မာနိုင်ငံရဲတပ်ဖွဲ့ဌာနချူပ် အစီအစဉ်နဲ့ စဉ်ဆက်မပြတ် ဖွင့်လှစ်ပေးနေပမယ့် တပ်ဖွဲ့ဝင်တွေ လုပ်မှားကိုင်မှား မဖြစ်စေရေးအတွက် ဒေသအလိုက် လိုအပ်တဲ့ လုပ်ထုံးလုပ်နည်းတွေ၊ ဥပဒေတွေ၊ လုပ်နည်းကိုင်နည်းတွေကို အနီးကပ် ဆွေးနွေးသင်ကြားပို့ချပေးဖို့၊ လုပ်ငန်းတာဝန်တွေကို ကျွမ်းကျင်နှံ့စပ်အောင်သိရှိဖို့လို့လဲ သိရပါတယ်။
 
ဒါ့ပြင် ပြည်သူလူထုနဲ့ထိတွေ့ဆက်ဆံတဲ့အခါ ကိုယ်ချင်းစာတရားထားစေဖို့လိုအပ်ပြီး ရဲတပ်ဖွဲ့ကို ဂုဏ်သရေညှိးနွမ်းစေမယ့် လူမှုရေးဖောက်ပြန်ခြင်း၊ငွေကြေးတောင်းခံခြင်းစတဲ့ အပြုအမှု၊ အလုပ်အကိုင်တွေ မလုပ်ဖို့ကိုလဲ ရန်ကုန်တိုင်းဒေသကြီးရဲတပ်ဖွဲ့မှူး ရဲမှူးချူပ်ဝင်းနိုင်က ပြောကြားခဲ့ပါတယ်။ ဒီတပ်ကြပ်ကြီး(မှုခင်းစာရေး)လုပ်ငန်းခွင် မွမ်းမံသင်တန်းမှာ သင်တန်းသားတပ်ဖွဲ့ဝင် (၆၀)တက်ရောက် သင်ကြားခဲ့ပြီး ဒီနှစ်အတွင်း ပထမဆုံးအကြိမ် ဖွင့်လှစ်သင်ကြားပေးခဲ့တာလဲ ဖြစ်ပါတယ်။ 
 
 
 

Related News