မလေးရှားနိုင်ငံ လူဝင်မှုကြီးကြပ်ရေးဦးစီးဌာနရဲ့ လုံခြုံရေးအရ စိစစ်တဲ့အစီအစဉ် (ISC)စနစ် အပေါ် မြန်မာရွှေ့ပြောင်းအလုပ်သမားတွေအနေနဲ့ ထောက်ခံမှုရှိနေတယ်လို့ သိရပါတယ်။
မလေးရှားနိုင်ငံ လူဝင်မှုကြီးကြပ်ရေးဦးစီးဌာနရဲ့ လုံခြုံရေးအရစိစစ်တဲ့အစီအစဉ် ISC စနစ် ကတော့ ဘိုင်အိုမတ်ထရစ် ကောက်ယူတဲ့စနစ်ဖြစ်ပြီး ဒီစနစ်ထဲမှာ မျက်လုံးစကင်ဖတ်ခြင်း၊ လက်ဆယ်ချောင်းလုံး လက်ဗွေယူခြင်း၊ မျက်နှာပုံစံစကင်ဖတ်တာတွေ ပြုလုပ်တာလို့သိရပါတယ်။
 
အခုလို စစ်ဆေးခြင်းကြောင့် မလေးရှားနိုင်ငံက ပြည်ဝင်ခွင့်ပိတ်ခံထားသူ ဟုတ်၊ မဟုတ် စစ်ဆေးပေးတာကြောင့် မလေးရှားမှာ သွားရောက်အလုပ်လုပ်ကိုင်မယ့် ပြည်တွင်း အလုပ်သမားတွေ ကတော့ ဒီစနစ်ကိုပိုစိတ်ချကြတယ်လို့ ပြောပါတယ်။ISCစနစ်စစ်ဆေးခ (၂၆)ဒေါ်လာအပေါ်ကို ကန့်ကွက်နေတဲ့ ပြည်တွင်းက ပြည်ပ အလုပ်အကိုင်ဝန်ဆောင်မှု အေဂျင်စီတွေရှိနေသလို အေဂျင်စီအချို့ ကတော့ISC  စနစ်စစ်ဆေးခ (၂၆)ဒေါ်လာကို အလုပ်သမားထဲက ကောက်ခံတယ်လို့သိရပါတယ်။
 
မလေးရှားနိုင်ငံ လူဝင်မှုကြီးကြပ်ရေးဦးစီးဌာနရဲ့ လုံခြုံရေးအရစိစစ်တဲ့အစီအစဉ် (ISC)စနစ်ကို ပြုလုပ်ဖို့ (၂၀၁၇)ခုနှစ် ဇန်န၀ါရီလမတိုင်မီ နိုင်ငံကူးလက်မှတ်ရရှိထားတဲ့ အလုပ်သမားတွေ မပါဝင်ဘဲအသစ်သွားရောက်မယ့် အလုပ်သမားတွေသာ ISC စနစ်ကို ပြုလုပ်ရမယ်လို့ သိရပါတယ်။ မလေးရှားနိုင်ငံ လူဝင်မှုကြီးကြပ်ရေးဦးစီးဌာနရဲ့ လုံခြုံရေးအရစိစစ်တဲ့အစီအစဉ် ISC ကို ပြီးခဲ့တဲ့ ဇူလိုင်လ(၁၅)ရက်က စတင်လုပ်ဆောင်ခဲ့တာဖြစ်ပြီး ISC စနစ်အတွက် ကောက်ခံတဲ့ (၂၆)ဒေါ်လာဟာ မလေးရှာနိုင်ငံလူဝင်မှုကြီးကြပ်ရေးက သတ်မှတ်ထားတာလို့လည်း သိရပါတယ်။
 
 
 

Related News