ပွင့်လင်းပါစေဘဏ္ဍာငွေ ချမ်းသာကြွယ်ဝပြည်သူ့ဘ၀ခေါင်းစဉ်နဲ့ သရုပ်ဖော်ကာတွန်းပြပွဲကို သြဂုတ်လ (၁၁)ရက်က ရန်ကုန်မြို့ဂျပ်ဆင်ခန်းမမှာ ပြုလုပ်ခဲ့ပါတယ်။ အခုပြုလုပ်တဲ့သရုပ်ဖော်ကာတွန်းပြပွဲကို Spectrum (SDKN) အဖွဲ့ကဦးဆောင်ပြုလုပ်တာ ဖြစ်ပြီး ပွင့်လင်းပါစေဘဏ္ဍာငွေ ချမ်းသာကြွယ်ဝပြည်သူ့ဘ၀ခေါင်းစဉ်နဲ့ ကာတွန်းပုံတွေကို သရုပ်ဖော်ရေးဆွဲပြသ ထားတာဖြစ်ပါတယ်။ ဒီသရုပ်ဖော်ကာတွန်းပြပွဲမှတော့ ကာတွန်းဆရာပေါင်း (၄၀)ကျော်ကရေးဆွဲထားတဲ့ သရုပ်ဖော်ကာတွန်းပုံတွေကို ပြသထားတာဖြစ်ပါတယ်။Spectrum (SDKN) အဖွဲ့ကို (၂၀၀၇)ခုနှစ်ကတည်းက 
စတင်ခဲ့တာဖြစ်ပြီး စာအုပ် ထုတ်ဝေတာ၊ ကာတွန်းပြပွဲပြုလုပ်တာတွေ လူငယ်တွေနဲ့ပတ်သက်တဲ့ အလုပ်ရုံဆွေးနွေးပွဲတွေ၊ သင်တန်းတွေ၊ စာတန်းဖတ်ပွဲတွေပြုလုပ်နေတာဖြစ်တယ်လို့ သိရပါတယ်။

ကာတွန်းဆရာတွေအနေနဲ့ကတော့ ဒီလိုသရုပ်ဖော်ကာတွန်းတွေနဲ့ ခေတ်ကာလရဲ့ လက်ရှိ ဖြစ်ပေါ် နေတာတွေကို နှိုင်းယှဉ်ပြီး အများပြည်သူအကျိုးရှိစေဖို့ ထောက်ပြရေးဆွဲကြ တာဖြစ်ပြီး မှန်ကန်တဲ့လမ်းကြောင်းတစ်ခုလည်း ဖြစ်လာစေဖို့ရည်ရွယ်တယ်လို့ပြောပါတယ်။ကာတွန်းပြပွဲကိုပြုလုပ်တာ ဒီနှစ်အတွင်းမှာ ဒုတိယအကြိမ်ဖြစ်ပြီး ပထမအကြိမ်ကို ဘားအံမှာပြုလုပ်ခဲ့တာ ဖြစ်ပါတယ်။ တတိယအကြိမ်ပြပွဲကိုတော့ အခုပြသတဲ့ကာတွန်းတွေကိုဘဲ မြစ်ကြီးနားမြို့မှာ ပြုလုပ်သွားမှာ ဖြစ်တယ်လို့သိရပါတယ်။ ဒီကာတွန်းပြပွဲကိုတော့ ဂျပ်ဆင်ခန်းမ မှာ သြဂုတ်လ ၁၁ ရက်နဲ့ ၁၂ ရက် ၂ ရက်တာ ပြသသွားမှာဖြစ်တယ်လို့သိရပါတယ်။

Related News