၂၁ရာစုပင်လုံညီလာခံပြုလုပ်ပြီး ပြည်တွင်းငြိမ်းချမ်းရေးရရှိဖို့ တပ်မတော်၊အစိုးရတာဝန် ရှိသူများနဲ့ တိုင်းရင်းသားလက်နက်ကိုင်အဖွဲ့တွေ နိုင်ငံရေးဆွေးနွေးမှုများပြုလုပ်နေတဲ့ကာလမှာ လူငယ်တွေ ကိုယ်တိုင် ငြိမ်းချမ်းရေးသဘောတရားကို နားလည်ပြီး ငြိမ်းချမ်းရေးတည်ဆောက်တဲ့ အခန်းကဏ္ဍတွေမှာ ပူးပေါင်းပါဝင်လာအောင် စတုတ္တအကြိမ်မြောက် လူငယ်ငြိမ်းချမ်းရေးပွဲတော်နဲ့ လူငယ်အဖွဲ့အစည်းပြပွဲကို ဦးတည်ပြုလုပ်ဖြစ်တယ်လို့ သိရပါတယ်။ ပြည်တွင်းငြိမ်းချမ်းရေးရရှိရန် ကြိုးပမ်းနေတဲ့ ကဏ္ဍများမှာ ပါဝင်ဆောင်ရွက်နေတဲ့ လူငယ်တွေရဲ့ အတွေ့အကြုံတွေကို ဒီကနေ့ပြုလုပ်တဲ့ လူငယ်ငြိမ်းချမ်းရေးပွဲတော်မှာ စာတမ်းတိုတစ်ခု အနေနဲ့ ဖတ်ကြားသွားမှာဖြစ်ပြီး ပွဲတက်ရောက်လာတဲ့ လူငယ်တွေနဲ့ အပြန်အလှန်ဆွေးနွေးနိုင်တဲ့ ကဏ္ဍပါဝင်မှာဖြစ်ပါတယ်။ သြဂုတ်လ ၁၂ရက်မှာ ကျရောက်တဲ့ နိုင်ငံတကာလူငယ်များနေ့အတွက် ရည်ရွယ်ပြုလုပ်တဲ့ လူငယ်ငြိမ်းချမ်းရေး ပွဲတော်နဲ့ လူငယ်အဖွဲ့အစည်းပြပွဲကို ဒီကနေ့  သြဂုတ်လ ၁၂ ရက်က ရန်ကုန်ပညာရေးတက္ကသိုလ်မှာ ပြုလုပ်ခဲ့တာဖြစ်ပါတယ်။
 
ယခုလက်ရှိရေးဆွဲအတည်ပြုနေတဲ့ လူငယ့်ရေးရာမူဝါဒဥပဒေကြမ်း အကောင်အထည် ပေါ်လာဖို့နဲ့ လူငယ်တွေရဲ့ ပညာရေး၊ စီးပွားရေးကဏ္ဍတွေ၊ ပိုမိုအရေးပါလာအောင် ပြည်တွင်း ငြိမ်းချမ်းဖို့ လိုအပ်ပြီး တိုင်းပြည် အေးချမ်းသာယာရန် လူငယ်တွေကိုယ်တိုင် ပါဝင်ဆောင်ရွက်ဖို့ လိုအပ်တယ်လို့ ကုလသမဂ်္ဂလူဦးရေ ရန်ပုံငွေအဖွဲ့ရဲ့ ဌာနေကိုယ်စားလှယ်ကပြောကြားပါတယ်။ ဘာသာပြန်- (ပြည်တွင်းငြိမ်းချမ်းမှုမရှိတာက လူငယ်တွေရဲ့သွားလာနေထိုင်မှုနဲ့ အလုပ်အကိုင်၊ စားဝတ်နေရေးကို ခက်ခဲစေပါတယ်။အဲ့ဒါအပြင် သူတို့ရဲ့ လုပ်နိုင်စွမ်းရည်တွေကို အဆုံးအစွန်အထိမရောက်အောင် ကန့်သတ်လိုက်သလိုကို ဖြစ်စေတာပါ။နိုင်ငံတစ်နိုင်ငံမှာ ငြိမ်းချမ်းမှုမရှိပဲ အချိန်ကြာမြင့်စွာ ပဋိပက္ခဖြစ်နေတာက လူငယ်တွေရဲ့ဘ၀ကို ဖွံ့ဖြိုးသင့်သလောက် မဖွံ့ဖြိုးတော့ပါဘူး၊ ဒါကြောင့်ပဲ လူငယ်တွေကိုယ်တိုင်က ငြိမ်းချမ်းရေးကို ဖော်ဆောင်တဲ့နေရာ တည်ဆောက်တဲ့နေရာမှာ ပါဝင်သွားရမှာပါ။)ပြည်တွင်း ငြိမ်းချမ်းရေးရရှိအောင်ကြိုးပမ်းနေမှုတွေနဲ့ လူငယ်ရေးရာမူဝါဒတွေ ရေးဆွဲဖို့ ပါဝင်ဆောင်ရွက်နေတဲ့ လူငယ်များရဲ့ကဏ္ဍကို အစိုးရကသတိထားမိစေရန် ဒီလို လူငယ်ငြိမ်းချမ်းရေး ပွဲတော်တွေ ပြုလုပ်ပေးနေတာဖြစ်ပြီး ပွဲအတွင်းမှာ လူငယ်နဲ့သက်ဆိုင်တဲ့အဖွဲ့အစည်း ၃၀ကျော် ပါဝင်ပြသမှာ ဖြစ်တယ်လို့သိရပါတယ်။
 
 
 
 

Related News