နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပြည်တွင်းပုဂ္ဂလိကဘဏ်တွေက နာယကတွေ၊ ဥက္ကဋ္ဌတွေ နေပြည်တော်မှာ တွေ့ဆုံခဲ့ကြတယ်လို့ သိရပါတယ်။ တွေ့ဆုံပွဲကို နေပြည်တော်က နိုင်ငံတော်အတိုင်ပင်ခံရုံးဝန်ကြီးဌာနရုံးမှာ သြဂုတ်လ(၁၅)ရက် နေ့လယ်၂ နာရီက ပြုလုပ်ခဲ့တာဖြစ်ပြီး နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က အဖွင့်အမှာစကား ပြောကြားခဲ့ပါတယ်။ တက်ရောက်လာတဲ့ ပြည်တွင်းပုဂ္ဂလိကဘဏ်တွေက နာယကတွေ၊ ဥက္ကဋ္ဌ တွေကလည်း တစ်ဦးချင်းစီတင်ပြခဲ့ကြပြီး ဘဏ်လုပ်ငန်းဆိုင်ရာကိစ္စရပ်တွေနဲ့ စီးပွားရေးကဏ္ဍဆိုင်ရာ ကိစ္စရပ်တွေကို ဆွေးနွေးခဲ့တယ်လို့ သိရပါတယ်။ 

ယခုတွေ့ဆုံဆွေးနွေးပွဲကို နိုင်ငံတော်အစိုးရဖက်က နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေ၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူအပါအ၀င် သမ္မတရုံးဝန်ကြီးဌာန ဒုတိယ၀န်ကြီးနဲ့ ညွန်ကြားရေးမှူးချုပ်တို့လည်း တက်ရောက်ခဲ့ပါတယ်။ 

ဒါ့အပြင်  ပြည်တွင်းပုဂ္ဂလိကဘဏ်တွေက နာယကတွေ၊ ဘဏ်ဥက္ကဋ္ဌတွေဖြစ်တဲ့ ကမ္ဘောဇဘဏ် ဥက္ကဋ္ဌဦးအောင်ကိုဝင်း၊ အာရှစိမ်းလန်းမှုဖွံ့ဖြိုးရေးဘဏ် အမှုဆောင်ဥက္ကဋ္ဌ ဦးတေဇ၊ ဧရာဝတီဘဏ် ဥက္ကဋ္ဌ ဦးဇော်ဇော်နဲ့ သမ၀ါယမဘဏ် ဥက္ကဋ္ဌ ဦးခင်မောင်အေးတို့ အပါအ၀င် စုစုပေါင်း(၂၂)ဦး တက်ရောက်ခဲ့ပါတယ်။ 

 

 

Related News