တောင်ဒဂုံမြို့နယ်ရှိ အခြေခံပညာကျောင်းတွေက ကျောင်းသားကျောင်းသူတွေကို နိုင်ငံသားစိစစ်ရေးကဒ်ပြားများနေ့ချင်းပြီး ပြုလုပ်ပေးနေတာဖြစ်ပြီး  စက်တင်ဘာလ(၁၁)ရက်က အ.ထ.က(၂)၊ ဒဂုံမြို့သစ်(တောင်ပိုင်း) မြို့နယ်မှ အချက်အလက်ပြည့်စုံတဲ့ ကျောင်းသားကျောင်းသူ တွေကို နိုင်ငံသားစိစစ်ရေးကဒ်ပြားများ ဥညနှအသစှနမလငခန စနစ်နဲ့ ပြုလုပ်ပေးခဲ့တာ ဖြစ်ပါတယ်။ 

နိုင်ငံသားစိစစ်ရေးကဒ်ပြားပြုလုပ်ဖို့အတွက်လိုအပ်တဲ့အချက်အလက်တွေကို ကြိုတင်ပြင်ဆင် လာခဲ့ရမှာဖြစ်ပြီး အချက်အလက်ပြည့်စုံမှန်ကန်တဲ့ ကျောင်းသားကျောင်းသူတွေကို နေ့ချင်းပြီး ထုတ်ပေးတာဖြစ်တယ်လို့သိရပါတယ်။ နေ့ချင်းပြီး ရရှိတာကြောင့် တက္ကသိုလ်ဝင်တန်း ဖြေဆိုမဲ့ ကျောင်းသားကျောင်းသူတွေအနေနဲ့ ပိုမိုအဆင်ပြေမှုရှိတယ်လို့ ပြောပါတယ်။

One Stop Service စနစ်နဲ့ပြုလုပ်ပေးတာကြောင့် ကျောင်းသားကျောင်းသူတွေအနေနဲ့ နိုင်ငံသားစိစစ်ရေးကဒ်ပြားများကို ချက်ခြင်းရနိုင်တာဖြစ်တယ်လို့ သိရပါတယ်။ကျောင်းတွေအနေနဲ့လည်း ကျောင်းသားကျောင်းသူတွေကို စာရင်းကောက်ယူမှုတွေ ပြုလုပ်ပြီး လိုအပ်တာတွေ ပြင်ဆင်နိုင်အောင်ကြိုစီစဉ်ပေးထားတယ်လို့ သိရပါတယ်။ အခုပြုလုပ်ပေးတဲ့ အ.ထ.က(၂)၊ ဒဂုံမြို့သစ်(တောင်ပိုင်း)မြို့နယ်ကျောင်းမှာတော့ နိုင်ငံသား စိစစ်ရေးကဒ် မပြုလုပ်ရသေးတဲ့ ကျောင်းသားကျောင်းသူပေါင်း ၂၆၅ဦးကို နေ့ချင်းပြီးစနစ်နဲ့ ထုတ်ပေးခဲ့တာ ဖြစ်တယ်လို့ သိရပါတယ်။ 

ဒဂုံမြို့သစ်(တောင်ပိုင်း)မြို့နယ်မှာ နေ့ချင်းထုတ်ပေးနိုင်တဲ့စနစ်နဲ့ ကျောင်းသားကျောင်းသူ ၃၇၇ဦးကို နိုင်ငံသားစိစစ်ရေးကဒ်ပြားများထုတ်ပေးခဲ့ပြီးဖြစ်ပြီး ကျန်ရှိနေတဲ့ကျောင်းတွေမှာလည်း One Stop Service   စနစ်နဲ့ ဆက်လက်ပြုလုပ်ပေးသွားမယ်လို့သိရပါတယ်။

 

Related News