ရန်ကုန်မြို့တော်စည်ပင်သာယာရေးကော်မတီနဲ့ Clean Yangon Campaign  တို့ပူပေါင်း ပြုလုပ်နေကြဖြစ်တဲ့ Clean Yangon စုပေါင်းအမှိုက်ကောက် Campaign ကို စက်တင်ဘာလ (၂၄)ရက်နေ့မှာ လမ်းမတော်မြို့နယ်နဲ့လသာမြို့နယ်မှာ ပရဟိတအဖွဲ့အစည်းတွေနဲ့ ပဉ္စမအကြိမ် မြောက် စုပေါင်းအမှိုက်ကောက် Campaign ပြုလုပ်သွားမယ်လို့သိရပါတယ်။ 
 
စုပေါင်းအမှိုက်ကောက်မှုကို ရန်ကုန်မြို့တော်စည်ပင်သာယာရေးကော်မတီအနေနဲ့ ပြည်သူတွေကို အမှိုက်ကိုစနစ်တကျစွန့်ပစ်စေဖို့ရည်ရွယ်ပြီး ပြည်သူအသိပညာပေး စည်းရုံး ဆောင်ရွက်တာ ဖြစ်တယ်လို့သိရပါတယ်။ ယခုပြုလုပ်မယ့် ပဉ္စမအကြိမ်မြောက် စုပေါင်း အမှိုက်ကောက် Campaign မှာ ရန်ကုန်မြို့တော်စည်ပင်သာယာရေးကော်မတီ၊ ပတ်ဝန်းကျင် ထိန်းသိမ်းရေးနှင့်သန့်ရှင်းရေးဌာနအနေနဲ့ သန့်ရှင်းရေးလုပ်သား အယောက်(၃၀)၊ ရုံးဝန်ထမ်း အယောက်(၂၀)၊  အမှိုက်သိမ်းကား(၄)စီး၊ အမှိုက်သိမ်းလှည်း(၈)စီးနဲ့ (၃)တန်အမှိုက်သိမ်းယာဉ် (၂)စီးတို့နဲ့ ပူးပေါင်းပါဝင် ဆောင်ရွက်သွားမယ်လို့သိရပါတယ်။
 
ယခုပြုလုပ်မယ့် Clean Yangon Campaign ပဉ္စမအကြိမ်မြောက် စုပေါင်း အမှိုက်ကောက် မှုကို  ပရဟိတအဖွဲအစည်းပေါင်း (၄၀)မှ စုပေါင်းပါဝင်ပြီး လူအင်အား အယောက်(၁၀၀၀) ပါဝင်စုပေါင်း အမှိုက်ကောက်သွားမှာ ဖြစ်တယ်လို့သိရပါတယ်။ 
အခုလိုမျိူး ရန်ကုန်မြို့တော်စည်ပင်သာယာရေး နဲ့ Clean Yangon Campaign တို့ပူးပေါင်းပြီး အမှိုက်ကောက် အစီအစဉ်ပြုလုပ်လာတဲ့ကာလမှာ ပထမအကြိမ်စုပေါင်း အမှိုက်ကောက်စဉ်မှာ အမှိုက် (၈)တန်၊ ဒုတိယအကြိမ်မှာ(၂)တန်၊ တတိယအကြိမ်မှာ (၃)တန်၊ စတုတ်္ထအကြိမ်မှာ အမှိုက်တန်ချိန်(၄)တန်ကောက်ယူရရှိခဲ့တယ်လို့သိရပါတယ်။ 
 
 
 
 

Related News