ရန်ကုန်တိုင်းဒေသကြီး၊ အင်းစိန်မြို့ နယ်၊ ရွှေပြည်သာတံတားနှင့်ပုလဲလမ်းထောင့်မှာရှိတဲ့ တညင်းကုန်း လက်ကားဈေးရှိ ဈေးရုံကြီး(၃)ရုံကို နိုဝင်ဘာလအတွင်းမှာ ဖွင့်လှစ်နိုင်အောင် ဆောင်ရွက် နေတယ်လို့ မြန်မာအက်ဂရိုအိတ်(စ်)ချိန်းပတ်ဘလစ် (Public)  လီမိတက်က တာဝန်ရှိသူက ပြောပါတယ်။

တညင်းကုန်းလက်ကားဈေးသစ်ကြီးအတွင်းမှာတည်ဆောက်ထားတဲ့ သစ်သီးလက်ကားဈေးရုံ ၊ဟင်းသီး ဟင်းရွက်၊ စားဖိုဆောင်သုံး ၀လံပစ္စည်းလက်ကားဈေးရုံနဲ့ တောင်သူလက်လီရောင်း  (Ground Market) စတဲ့ ဈေးရုံကြီး(၃)ရုံကို နိုဝင်ဘာလအတွင်းမှာဖွင့်လှစ်ဖို့ ဆောင်ရွက်နေတယ်လို့ သိရပါတယ်။

အသစ်ဖွင့်လှစ်မယ့်ဈေးရုံကြီး(၃)ရုံမှာတော့ဆိုင်ခန်းပေါင်း (၅၆၀၀)ပါဝင်မှာဖြစ်ပြီး သစ်သီးလက်ကားဈေးရုံ နဲ့ ဟင်းသီးဟင်းရွက် ၊ စားဖိုဆောင်သုံးဝလံပစ်္စည်းလက်ကားဈေးရုံက ဆိုင်ခန်း အကျယ်(၅)ပေ(၁၃)ပေနဲ့ (၅)ပေ(၁၁)ပေ ကျယ်ဝန်းပြီး ဆိုင်ခန်းဈေးနှုန်းတွေက ဆိုင်လခ(၄)သောင်းခွဲနဲ့ ဝန်ဆောင်ခ(၄)သောင်း သတ်မှတ်ထားတယ်လို့ သိရပါတယ်။ တောင်သူလက်လီရောင်း (Ground Market)  ကတော့ နေ့ ပိုင်းဈေးနဲ့  ညပိုင်းဈေးဆိုပြီး နှစ်မျိုးသတ်မှတ်ထားကာ ဆိုင်ခန်းအကျယ်က (၅)ပေ ပတ်လည်ကျယ်ဝန်းပြီး နေ့ပိုင်းဈေးရောင်း ချလိုသူတွေကို ၀န်ဆောင်ခအပါအ၀င် တစ်ရက်ကို ငွေကျပ်(၆၀၀)သတ်မှတ်ထားပြီး ညပိုင်းဈေးရောင်းချလိုသူတွေကိုလည်း ၀န်ဆောင်ခအပါအ၀င်တစ်ရက်ကို ငွေကျပ်(၁၁၀၀) ကျပ် သတ်မှတ်ထားတယ်လို့ သိရပါတယ်။

အခုသတ်မှတ်လိုက်တဲ့ဆိုင်ခန်းခတွေနဲ့ ဝန်ဆောင်ခတွေက တခြားဈေးတွေက သတ်မှတ်ထားတဲ့ ဆိုင်ခန်းငှားခတွေအတိုင်းသတ်မှတ်ထားတာဖြစ်တယ်လို့ လည်းသိရပါတယ်။ ဆိုင်ခန်းငှားရမ်းရောင်းချလိုသူတွေအနေနဲ့ အောက်တိုဘာလအတွင်းမှာ ဆိုင်ခန်းငှားရမ်းခွင့်လျှောက်ထားသူတွေကို ဈေးစတင်ဖွင့်လှစ်သည်မှ (၈) လအထိ ဆိုင်ခန်းငှားရမ်းခ တစ်ဝက်နှုန်းလျော့ပေးမှာဖြစ်ပြီး အောက်တိုဘာလအကုန်ပိုင်း ဆိုင်ခန်းငှား ရမ်းခွင့်လျှောက် ထားရင်တော့ ဈေးစတင်ဖွင့်လှစ်သည်မှ(၆)လအထိ ဈေးနှုန်းတွေလျော့ ထားပေးတယ်လို့လည်း သိရပါတယ်။နိုဝင်ဘာလအတွင်းမှာ အသစ်ဖွင့်လှစ်နိုင်အောင်ဆောင်ရွက်နေတဲ့ တညင်းကုန်း လက်ကားဈေးသစ်ကြီးအတွင်းမှာ ဈေးဆိုင်ခန်းတွေအပြင် ဈေးလာရောက်ဝယ်ယူတဲ့သူတွေ အဆင်ပြေအောင်လို့ကားပါကင်တွေပါထည့်သွင်းထားပြီး လုံခြုံရေးအပိုင်းအနေနဲ့ CCTV တပ်ဆင်ထား ပါတယ်။ ဈေးသန့် ရှင်းအပိုင်းနဲ့ပတ်သက်လို့  သန့်ရှင်းရေးဝန်ထမ်း (၇၀)ပါဝင်မှာ ဖြစ်တယ်လို့ သိရပါတယ်။ တညင်းကုန်းလက်ကားဈေးသစ်ကြီးကို ၂၀၁၆ ခုနှစ်အစပိုင်းက စတင်ဆောက်လုပ်ခဲ့တာဖြစ်ပြီး ဈေးဝင်းထဲမှာ ဈေးရုံကြီးပေါင်း(၇)ရုံပါဝင်မှာဖြစ်တယ်လို့ သိရပါတယ်။

 

 

Related News