ကျောက်မျက်၊သတ္တု၊ ရေနံနဲ့သဘာဝဓာတ်ငွေ့လုပ်ငန်းတွေရဲ့ လုပ်ကွက်တွေ အကြောင်း ပြည်သူတွေ ပွင့်လင်းမြင်သာစွာသိရှိနိုင်မည့် Mining Cadastre    (မိုင်းနင်း ကက်ဒတ်စတာ)ကို လုပ်ဆောင်သွားမယ်လို့သယံဇာတနဲ့သဘာဝပတ်ဝန်းကျင်ထိန်းသိမ်းရေးဝန်းကြီးဌာနထံက သိရပါတယ်။

အင်တာနက်အခြေခံ ကွန်ပျူတာမှတ်ပုံတင်စနစ် Mining Cadastre  ဟာ potal တစ်ခုလိုဖြစ်ပြီး လုပ်ကွက်တွေရဲ့ မြေပုံတွေ၊ လုပ်ကွက်အလိုက် လက်ရှိလုပ်ကိုင်နေတဲ့ကုမ္ပဏီတွေ၊ အခွန်အခနှုန်းထားတွေ၊ လုပ်ကွက် အလိုက်သယံဇာတထွက်ရှိမှုပမာဏတွေ၊ သဘာဝပတ်ဝန်းကျင် ဆန်းစစ်ထားမှုရလာဒ်တွေ၊ သက်တမ်းကုန်လုပ်ကွက်တွေနဲ့ ဥပဒေတွေ၊ ဖော်ပြထားမှာဖြစ်ပါတယ်။

ကမ္ဘာ့ဘဏ်ရဲ့ထောက်ပံ့ငွေ အမေရိကန်ဒေါ်လာ (၁)သန်းနဲ့လုပ်ဆောင်မှာဖြစ်ပြီး အချိန်(၅)နှစ် လောက်ကြာမြင့်မှာဖြစ်လို့ လာမယ့်အစိုးရ လက်ထက်မှာ စတင်အသုံးပြုနိုင်မှာဖြစ်ပြီး ဘဏ္ဍာရေးဝန်ကြီး ဌာနအပါအ၀င် သက်ဆိုင်ရာ ၀န်ကြီးဌာနတွေနဲ့ ချိတ်ဆက်လုပ်ဆောင်မှာ ဖြစ်တယ်လို့သိရပါတယ်။ ပထမအကြိမ် မြန်မာနိုင်ငံရဲ့ သဘာဝသယံဇာတ တူးဖော်ထုတ်လုပ်သည့်လုပ်ငန်းများ ပွင့်လင်းမြင်သာမှု ဖော်ဆောင်ရေး(EITI)   အစီရင်ခံစာပါအကြံပြုချက်တွေရဲ့ လိုင်စင်များမှတ်ပုံတင်ခြင်း ကဏ္ဍမှာလည်း Mining Cadastre   လို အများပြည်သူသိရှိနိုင်တဲ့ လိုင်စင်မှတ်ပုံတင်စနစ်တစ်ခု အသုံးပြုဖို့တိုက်တွန်း ထားပါတယ်။

လက်ရှိပြည်တွင်းက သယံဇာတလုပ်ကွက်တွေနဲ့ပတ်သက်ပြီး သက်တမ်းကုန်လုပ်ကွက် တွေကိုတော့ သက်ဆိုင်ရာဝန်ကြီးဌာနရဲ့ ၀က်ဆိုဒ်က လစဉ်ဖော်ပြပေးနေပါတယ်။ဒါပေမယ့် လက်ရှိ လုပ်ကိုင်နေတဲ့ လုပ်ကွက်အလိုက် လုပ်ပိုင်ခွင့်ရကုမ္ပဏီ၊ အခွန်အခပေး ဆောင်မှု၊လုပ်ကွက်အလိုက် သယံဇာတထွက်ရှိမှုနဲ့ လုပ်ကွက်အရေအတွက်တွေကတော့ အများပြည်သူ သိရှိနိုင်ဖို့ခက်ခဲနေဆဲဖြစ် တဲ့အပြင် EITI အစီရင်ခံစာလိုမျိုးအတွက် ကုမ္ပဏီတွေရဲ့ အချက်အလက် တောင်းခံရာမှာတောင် ၄၉(ခ)လို ကန့်သတ်မှုမျိုးတွေရှိနေတယ်လို့ သိရပါတယ်။

EITI  ရဲ့သတ်မှတ်ချက်ဖြစ်တဲ့ လာမယ့် ၂၀၂၀မှာ ကုမ္ပဏီတွေရဲ့ တကယ်အကျိုးအမြတ် ရရှိသည့်ပိုင်ရှင် Beneficial Ownership ​ကို ဖော်ပြနိုင်ဖို့လုပ်ဆောင်နေသလို  မကြာခင်မှာလည်း သယံဇာတလုပ်ကွက်တွေ အလိုက်ကုမ္ပဏီတွေနဲ့ချုပ်ဆိုထားတဲ့ စာချုပ်တွေ အပေါ် ပေးလို့ရတဲ့ အပိုင်းအထိ ပွင့်လင်းမြင်သာစွာ ချပြမယ်လို့ သတ္တုတွင်းဦးစီးဌာန ဒုတိယညွှန်ကြားရေးမှူးချုပ်က ပြောပါတယ်။ကျောက်မျက်ကဏ္ဍမှာတော့  လက်ရှိတစ်နိုင်ငံလုံးမှာ ခန့်မှန်းခြေ ကျောက်မျက်လုပ်ကွက်ပေါင်း (၁)သောင်းခွဲနီးပါးရှိနေတယ်လို့သိရပြီး သတ္တုကဏ္ဍအတွက်တော့ လိုင်စင်(၁၅၀၀)ကျော်ချပေးထားပြီး ဖြစ်တယ်လို့သိရပါတယ်။

 

 

Related News