မြန်မာနိုင်ငံရဲ့ ဆောက်လုပ်ရေးလုပ်ငန်းတွေ၊ လျှပ်စစ်လုပ်ငန်းတွေနဲ့ သတ္တု တူးဖော်ရေးနဲ့ ရှာဖွေရေးလုပ်ငန်းတွေအတွက် အထောက်အကူဖြစ်စေမယ့် Construction,Power & Mining Myanmar 2017   ပြပွဲကိုအောက်တိုဘာ(၁၂)မှ(၁၄)ရက်နေ့ အထိ ရန်ကုန်မြို့မင်းဓမ္မလမ်းမှာရှိတဲ့ Myanmar Event Park    မှာ(၃)ရက်တာပြုလုပ်နေတာဖြစ်တယ်လို့သိရပါတယ်။  

 မြန်မာနိုင်ငံမှာ ရင်းနှီးမြုံပ်နှံသူအများစုကိုဆွဲဆောင်နိုင်တဲ့ အဓိကကဏ္ဍ(၃)ခု ဖြစ်တဲ့ ဆောက်လုပ်ရေးလုပ်ငန်း၊ စွမ်းအင်လုပ်ငန်းနှင့် သတ္တုတွင်းလုပ်ငန်းတွေ ပိုမိုတိုးတက်ဖွံဖြိုး လာစေဖို့အပြင် ကုန်ထုတ်လုပ်မှုမြှင့်တင်ဖို့နဲ့နည်းပညာပိုင်း ဆိုင်ရာတွေမှာရင်းနှီးမြုပ်နှံသူတွေ ပူးပေါင်း ဆောင်ရွက်နိုင်ဖို့ အတွက်အခုလိုကုန်သွယ်မှုပြပွဲကို ကျင်းပပြုလုပ်တာ ဖြစ်တယ်လို့ သိရပါတယ်။ 

 အခုလိုနိုင်ငံတကာအဆင့်ပြပွဲတွေကိုကျင်းပရတာဟာ မြန်မာနိုင်ငံရဲ့ စီးပွားရေးဖွံဖြိုးမှုတွေကို တိုးမြှင့်စေပြီး ပြည်တွင်းကလုပ်ငန်းရှင်တွေကိုအတွေ့အကြုံသစ်တွေ၊ နည်းပညာသစ်တွေကို မိတ်ဆက်ပေးနိုင်ဖို့ ရည်ရွယ်ပြီးကျင်းပတာဖြစ်တယ်လို့သိရပါတယ်။Construction, Power & Mining Myanmar 2017   ပြပွဲမှာ တရုတ်၊ ဂျာမနီ၊ အိန္ဒိယ၊ ကိုရီးယား၊ စင်္ကာပူနှင့် ထိုင်းနိုင်ငံစတဲ့ နိုင်ငံပေါင်း(၁၆)နိုင်ငံကကုမ္ပဏီပေါင်း(၁၃၀)ခန့် ၀င်ရောက်ပြသ နေတာဖြစ်ပါ တယ်။ ဒါ့အပြင်ပြပွဲရက်အတွင်း စီးပွားရေးဆိုင်ရာဆွေးနွေးပွဲတွေကိုလည်း ကျင်းပသွားမှာ ဖြစ်တယ်လို့ သိရပါတယ်။Construction, Power & Mining Myanmar   ပြပွဲကို၂၀၁၃ခုနှစ်က  စတင်ကျင်းပခဲ့တာ ဖြစ်ပြီး အခုကျင်းပတာဟာ(၅)ကြိမ်မြောက်ပြုလုပ်တာဖြစ်တယ်လို့ သိရပါတယ်။

 

 

Related News