မြန်မာနိုင်ငံလယ်ယာစီးပွားရေးအများပိုင်ကော်ပိုရေးရှင်းလီမိတက် (MAPCO) နဲ့ မြန်မာနိုင်ငံ ဆန်စပါးအသင်းချုပ်ရဲ့ အသင်းဝင်များ မိတ်ဖက်အဖွဲ့အစည်းများမှပူးပေါင်းပြီး ရခိုင်ပြည်နယ် မြောက်ပိုင်း၊ ဘူးသီးတောင်၊ မောင်တော၊ရသေ့တောင်ဒေသများမှာ လယ်ယာကဏ္ဍ၊ ဆန်စပါးကဏ္ဍ ဖွံ့ဖြိုးရေးအတွက်(၃)နှစ်စီမံကိန်း ရေးဆွဲပြီးကူညီလုပ်ဆောင်သွားမယ်လို့သိရပါတယ်။ ရခိုင်ပြည်နယ်အခြေပြုလယ်ယာစီးပွားရေးအများပိုင်ကုမ္ပဏီကို တည်ထောင်ပြီး (၃) နှစ်စီမံကိန်း အဖြစ် လတ်တလောကူညီဖြေရှင်းရမယ့်လုပ်ငန်းစဉ်နဲ့ ရေတိုရေရှည်ဆန်စပါးဖွံ့ဖြိုးရေးအတွက် ဆောင်ရွက်ပေးရမယ့်လုပ်ငန်းစဉ်ဆိုပြီး အပိုင်း(၂) ပိုင်းနဲ့လုပ်ဆောင်သွားမှာဖြစ်တယ်လို့ သိရပါတယ်။
 
လတ်တလောကူညီ ဆောင်ရွက်ဖြေရှင်းရမယ့် လုပ်ငန်းစဉ်အနေနဲ့တော့ ရိတ်သိမ်းခြွေလွေ့ စက်တွေ အမြန်ဆုံးသွားရောက်ကူညီပေးသွားမှာဖြစ်ပြီး ရိတ်သိမ်းပြီး စပါးများကိုလည်း ဈေးနှုန်းသတ်မှတ်ပြီး ၀ယ်ယူပေးခြင်း၊အခြောက်ခံပြီး သင့်တော်မယ့်နေရာတွေမှာ သိုလှောင်နိုင်ဖို့အတွက်ကိုလည်း ဆောင်ရွက်ပေးသွားမှာဖြစ်တယ်လို့ သိရပါတယ်။ ဒါ့အပြင်ဓာတ်မြေသြဇာတွေကိုလည်း တောင်သူလယ်သမားတွေကို သက်သာတဲ့ ဈေးနှုန်း တွေနဲ့ ဖြန့်ဖြူးပေးသွားမှာဖြစ်ပြီး လာမယ့်ရာသီအတွက် မျိုးစပါးများရရှိနိုင်ရေးအတွက်ကိုလည်း သက်ဆိုင်ရာဌာနများနဲ့ ညှိနှိုင်းလုပ်ဆောင်ပေးသွားဖို့ စီစဉ်ထားတယ်လို့သိရပါတယ်။
 
လယ်ယာကဏ္ဍ၊ဆန်စပါးကဏ္ဍဖွံ့ဖြိုးရေးအတွက် လုပ်ငန်းစဉ်တစ်ရပ်အဖြစ် ဘူးသီးတောင် မြို့နယ်က မြေဧရိယာ(၅၀၀)ဧက အပေါ်မှာ Agri Food Park  တစ်ခုထူထောင်ပြီး ဆန်စပါးနှင့် စိုက်ပျိုးရေးအခြေခံထွက်ကုန် ကုန်ကြမ်းများကို ကုန်ချောအဖြစ်ထုတ်လုပ်တဲ့ စားသောက်ကုန် လုပ်ငန်းများဆောင်ရွက်ပြီး ဒေသတွင်းအလုပ် အကိုင်အခွင့်အလမ်းများ ဖော်ထုတ်ပြီး အသက်မွေး ၀မ်းကျောင်း ပညာများသင်ကြားပေးသွားမှာဖြစ်တယ်လို့သိရပါတယ်။ ဒီလုပ်ငန်းများအတွက် ငွေကျပ်(၅၀)ဘီလျံခန့် အသုံးပြုပြီး ရင်းနှီးမြှုပ်နှံသွားမှာဖြစ်တယ်လို့သိရပါတယ်။ ရခိုင်ပြည်နယ် အနေနဲ့ စိုက်ဧက(၁.၂)သန်းကျော်ခန့်ရှိပြီး ဒီလိုကူညီလုပ်ဆောင်မှုတွေကိုတော့ ပိုင်ရှင်ရှိ လယ်ယာမြေ များအတွက်သာကူညီဆောင်ရွက်ပေးသွားမှာ ဖြစ်တယ်လို့ သိရပါတယ်။ 
 
 

Related News