လျှပ်စစ်မီတာခကိုပြောင်းလဲပြင်ဆင်ကောက်ခံရာမှာပြည်သူတွေကျေနပ်လောက်တဲ့ ၀န်ဆောင်မူမျိုးကို ဖြည့်ဆည်းပေးပြီးမှသာ ပြင်ဆင်ကောက်ခံ မယ်လို့လျှပ်စစ်နှင့် စွမ်းအင်ဝန်ကြီး ဌာနက သိရပါတယ်။ လျှပ်စစ်မီတာခကို ပြောင်းလဲပြင်ဆင်ကောက်ခံဖို့နဲ့ ပတ်သက်ပြီး ဒီကနေ့ နိုဝင်ဘာလ ၉ ရက်က လျှပ်စစ်နဲ့ စွမ်းအင်ဝန်ကြီးဌာနရဲ့ လစဉ်ပုံမှန်ပြုလုပ်နေကြဖြစ်တဲ့ သတင်းစာရှင်းလင်းပွဲမှာ ဒုတိယအမြဲတမ်း အတွင်းဝန်ဦးစိုးဝင်းက ပြောကြားခဲ့တာပါ။   

 လျှပ်စစ်မီတာခကိုပြောင်းလဲပြင်ဆင်ကောက်ခံဖို့အတွက် အမြန်ဆုံးဆောင်ရွက်နေပြီး တစ်ဖက်မှာလဲ ပြောင်းလဲပြင်ဆင်ကောက်ခံတာနဲ့အမျှ ပြည်သူတွေအတွက်လိုအပ်ချက်တွေနဲ့ ၀န်ဆောင်မှုတွေကိုဖြည့်ဆည်းပေး ရမှာဖြစ်ပြီး လက်ရှိပြည်သူတွေအတွက် ဗို့အားပြည့်မီရေးအတွက် လုပ်ဆောင်ပေးနေတယ်လို့ဆိုပါတယ်။ 

တိုင်းဒေသကြီးနဲ့ပြည်နယ်တွေက ပြည်သူတွေ လျှပ်စစ်ဗို့အားပြည့်မီစွာ ရရှိရေးအတွက် ဒုတိယ၀န်ကြီးဦးဆောင် ပြီး ဆောင်ရွက်ပေးနေကာ စစ်ကိုင်းတိုင်းဒေသကြီး ၊မန္တလေးတိုင်းဒေသကြီးနဲ့ ပဲခူးတိုင်းဒေသကြီးတို့ကိုဆောင်ရွက်ထားတယ်လို့ သိရပါတယ်။

 ဒါ့အပြင် မလိုလားအပ်တဲ့လျှပ်စစ်ဓာတ်အားတွေမဆုံးရှုံစေရေးအတွက် လျှပ်စစ်ဓာတ် တိုင်တွေနဲ့ မလွတ်တဲ့ သစ်ပင်တွေကို ရှင်းလင်းတာတွေ၊ ရှုတ်ထွေးတဲ့နေရာတွေကိုရှင်းလင်းတာတွေ လုပ်ဆောင်နေတယ်လို့ သိရပါတယ်။ ပြည်တွင်းကို လျှပ်စစ်ဓာတ်အားဖြန့်ဖြူးရာမှာ အရှုံးပေါ်နေပြီး ယခု၂၀၁၇-၂၀၁၈ဘဏ္ဍာနှစ်မှာ တော့ ငွေကျပ်ဘီလီယံ (၃၀၀) ကျော်အထိ အရှုံးပေါ်နိုင်တယ်လို့ ခန့်မှန်းထားကြောင်း လျှပ်စစ်နဲ့စွမ်းအင် ၀န်ကြီးဌာနရဲ့ ပြီးခဲ့တဲ့ ဧပြီလ၆ရက်ကပြုလုပ်ခဲ့တဲ့ အစိုးရရဲ့ ပထမတစ်နှစ်တာ ကာလအတွင်းပြုပြင်ဆောင်ရွက်ခဲ့မူများနဲ့ ပတ်သက်တဲ့သတင်းစာရှင်းလင်းပွဲမှာ ပြောကြားချက်တွေ အရ သိရပါတယ်။

 

 

Related News