လူမှုရေးနှင့် ယဉ်ကျေးမှုဆိုင်ရာလေ့လာရေးအဖွဲ့(India)နဲ့ မြန်မာနိုင်ငံဟာ ဗျူဟာနဲ့ နိုင်ငံတကာ လေ့လာဆန်းစစ်ရေးအဖွဲ့တို့ ပူးပေါင်းပြီး အိန္ဒိယ -မြန်မာနှစ်နိုင်ငံဆက်ဆံရေး ရှေ့ဆက်ဆောင်ရွက်မယ့် လုပ်ငန်းစဉ်များအကြောင်း ဆွေးနွေးပွဲကို နိုဝင်ဘာလ(၁၀)ရက်မှ (၁၁)ရက်အထိ (၂)ရက်ကြာ Pan Pacific Yangon မှာကျင်းပလျက်ရှိပါတယ်။
 
ဆွေးနွေးပွဲမှာအိန္ဒိယ -မြန်မာနှစ်နိုင်ငံအကြား စီးပွါးရေး၊ကုန်သွယ်မှုတိုးမြှင့်ရေးအပိုင်းတွေ ပညာရေး၊လူမှုရေး၊ယဉ်ကျေးမှုဆိုင်ရာအကြောင်းအရာများ၊လုံခြုံရေးအပိုင်းများနဲ့ဘာသာရေး အကြောင်းအရာတွေကိုပါ ကဏ္ဍအလိုက်ဆွေးနွေးလျှက်ရှိပါတယ်။ မြန်မာနိုင်ငံဟာ ဒီမိုကရေစီကို စတင်ကျင့်သုံးခါစနိုင်ငံဖြစ်ပြီး အိနိ်္ဒယနိုင်ငံကတော့အကြီးဆုံး ဒီမိုကရေစီနိုင်ငံဖြစ်တာကြောင့် သူတို့နိုင်ငံရဲ့ အတွေ့အကြုံတွေကိုပါ အခုဆွေးနွေးပွဲမှာ အချင်းချင်းဖလှယ်ပြီး နှစ်နိုင်ငံနယ်စပ်လုံခြုံရေး အပိုင်းတွေကိုပါ  ဆွေးနွေးခဲ့ကြပါတယ်။
 
နှစ်ရက်တာပြုလုပ်တဲ့ ကဏ္ဍအလိုက်ဆွေးနွေးမှုတွေရဲ့ ရလဒ်ပေါ်မူတည်ပြီး ဘယ်လို ဆောင်ရွက်ရင် အလားအလာကောင်းတွေရှိလာနိုင်မလဲဆိုတာတွေနဲ့ လိုအပ်နေတဲ့ဂဏ္ဍတွေမှာလည်း မြှင့်တင်ဆောင်ရွက်မှုတွေပြုလုပ်သွားမယ်လို့သိရပါတယ်။ ဒါမှလည်း အိန္ဒိယ-မြန်မာနှစ်နိုင်ငံရဲ့ ဆက်ဆံရေးကလည်း ပိုမိုခိုင်မြဲလာနိုင်တယ်လို့ပြောပါတယ်။
 
ဒီဆွေးနွေးပွဲကို နိုင်ငံတော်အဖွဲ့အစည်းမှ တာဝန်ရှိသူများမြန်မာနိုင်ငံမှစီးပွါးရေးလုပ်ငန်းရှင်များ၊ ပညာရေးနယ်ပယ်မှတာဝန်ရှိသူများ၊စီးပွါးရေးပညာရှင်များလည်းတက်ရောက်ခဲ့ကြပါတယ်။
 
 

Related News