ကမ္ဘောဇဘဏ်လီမီတက်ရဲ့ (၅၀၀)ပြည့် ဘဏ်ခွဲဖြစ်တဲ့ ရွှေတိဂုံဘုရားလမ်းဘဏ်ခွဲကို နိုဝင်ဘာ(၁၀)ရက်က ရန်ကုန်တိုင်းဒေသကြီး၊ ပန်းဘဲတန်းမြို့နယ်၊ အနော်ရထာလမ်းနှင့် ရွှေတိဂုံဘုရားလမ်းထောင့်မှာ စတင်ဖွင့်လှစ်လိုက်ပြီး ခေတ်မီဘဏ်လုပ်ငန်းဝန်ဆောင်မှုတွေကို ဆောင်ရွက်ပေးလျက်ရှိနေတယ်လို့ သိရပါတယ်။
 
ကမ္ဘောဇဘဏ်လီမီတက်ကို (၁၉၉၄)ခုနှစ်က  စတင်ဖွင့်လှစ်ခဲ့ပြီး ယခုအခါမှာ ပြည်နယ်နဲ့ တိုင်းဒေသကြီး အသီးသီးတွင် ဘဏ်ခွဲ(၅၀၀)ကို ဖွင့်လှစ်ထားနိုင်ခဲ့တာဖြစ်ပြီး ၂၀၂၃ ခုနှစ် နိုဝင်ဘာလအတွင်းထိ နိုင်ငံတော်ဗဟိုဘဏ်ရဲ့ ခွင့်ပြုချက်ကိုရယူပြီး ဘဏ်ခွဲပေါင်း တစ်ထောင်အထိ ဖွင့်လှစ်နိုင်အောင် ဆောင်ရွက်သွားမှာ ဖြစ်တယ်လို့ သိရပါတယ်။ 
 
လက်ရှိ ကမ္ဘောဇဘဏ်လီမီတက်အနေနဲ့ ATM စက်အလုံးပေါင်း တစ်ထောင်ကျော်၊ ၀န်ထမ်းအင်အားနှစ်ထောင်ကျော်နဲ့ မြန်မာနိုင်ငံဗဟိုဘဏ်ရဲ့ လမ်းညွှန်မှုတွေနဲ့အညီ ပြည်တွင်းပြည်ပ ဘဏ်လုပ်ငန်းတွေကို အရှိန်အဟုန်မြှင့် လုပ်ကိုင်ဆောင်ရွက်လျက်ရှိပြီး နိုင်ငံတကာဘဏ် ကိုယ်စားလှယ်ရုံးများကိုလည်း ထိုင်းနိုင်ငံ၊ စင်ကာပူနိုင်ငံနှင့် မလေးရှားနိုင်ငံတို့တွင်လည်း ဖွင့်လှစ်နိုင်ခဲ့တယ်လို့ သိရပါတယ်။ ဒါ့အပြင် ကမ္ဘောဇဘဏ်လီမီတက်ဟာ Best Bank in Myanmar  ဆုနှင့် အခြားဘဏ်လုပ်ငန်း ဆိုင်ရာ ထူးချွန်ဆုတွေကိုလည်း ရရှိထားတယ်လို့ သိရပါတယ်။
 
 
 

Related News