ရခိုင်ပြည်နယ် မြောက်ပိုင်းက ရသေ့တောင်၊ မောင်တောနဲ့ဘူးသီးတောင် မြို့နယ်အတွင်းက ကျေးရွာတွေ မီးလင်းရေးအတွက် စုစုပေါင်းငွေကျပ်သန်း (၅၇၀၀)ကျော်အသုံးပြုသွားမယ်လို့ လျှပ်စစ်နှင့်စွမ်းအင်ဝန်ကြီးဌာနက သိရပါတယ်။ ရခိုင်ပြည်နယ်မြောက်ပိုင်းဒေသတွေက ကျေးရွာတွေ လျှပ်စစ်မီးရရှိရေးနဲ့ ပက်သက်ပြီး နိုဝင်ဘာလ(၉)ရက်က ပြုလုပ်နေကျဖြစ်တဲ့ လျှပ်စစ်နှင့် စွမ်းအင်ဝန်ကြီးဌာနရဲ့လစဉ်ပုံမှန်ပြုလုပ်နေကျဖြစ်တဲ့ သတင်းစာရှင်းလင်းပွဲရဲ့ သတင်းထုတ်ပြန်ချက် အရ သိရပါတယ်။
 
လျှပ်စစ်နဲ့စွမ်းအင်ဝန်ကြီးဌာနရဲ့ သတင်းထုတ်ပြန်ချက်တွေအရ ရခိုင်ပြည်နယ်အတွင်း လျှပ်စစ်ဓာတ်အားရရှိရေးနဲ့ ပတ်သက်ပြီး ဆောင်ရွက်နေမူတွေကို ရှင်းလင်းရာ ရခိုင်ပြည်နယ် မြောက်ပိုင်းက မြို့တွေဖြစ်တဲ့ ရသေ့တောင်မြို့နယ်ကိုလာမည့် ၂၀၁၈ မတ်လမှာလည်းကောင်း ဘူးသီးတောင်မြို့နယ်ကို ဇွန်လမှာလည်းကောင်း၊ မောင်းတောမြို့ကို ဒီဇင်ဘာလမှာလည်ကောင်း လျှပ်စစ်ဓာတ်အားတွေရရှိရေး လျာထားဆောင်ရွက်လျက်ရှိတယ်လို့သိရပါတယ်။ 
 
အဆိုပါမြို့တွေ လျှပ်စစ်ဓာတ်အားရရှိပြီးပါက အဲဒီမြို့နယ်တွေဖြစ်တဲ့ ရသေ့တောင်မြို့နယ်ထဲက ကျေးရွာ ၁၈ ရွာနဲ့ ဘူးသီးတောင်မြို့နယ်က ကျေးရွာ ၁၁ ရွာအပါအ၀င် မောင်းတောမြို့နယ်က ကျေးရွာ၁၅ရွာကို လျှပ်စစ်ဓာတ်အားရရှိရေး စုစုပေါင်းငွေကျပ်သန်း ၅၇၅၅ ဒသမ၂၉သန်း အကုန်အကျခံ စတင်အကောင်အထည် ဖော်ဆောင်ရွက်သွားမယ်လို့ သိရပါတယ်။ လက်ရှိမှာ ဒီဇယ်ဓာတ်အားပေးစက်တွေနဲ့ ရသေ့တောင်မြို့မှာ တစ်ရက်လျှင် ၅နာရီ  ဘူးသီးတောင်မြို့မှာ တစ်ရက်လျှင်၉နာရီခွဲ၊ မောင်းတောမြို့မှာ တစ်ရက်လျှင် ၁၂ နာရီကြာ လျှပ်စစ်ဓာတ်အားပေးနေတယ်လို့ သိရပါတယ်။
 
 

Related News