ရန်ကုန်မြို့တော်စည်ပင်သာယာရေးကော်မတီနဲ့ Clean Yangon Campaign တို့ ပူးပေါင်းပြုလုပ်နေကြဖြစ်တဲ့ Clean Yangon  စုပေါင်းအမှိုက်ကောက် Campaign ကို တာမွေမြို့နယ်မှာ ပရဟိတအဖွဲ့အစည်းတွေနဲ့ သတ္တမအကြိမ်မြောက်စုပေါင်းအမှိုက်ကောက် Campaign ပြုလုပ်ခဲ့ပါတယ်။ ဒီလိုစုပေါင်းအမှိုက်ကောက်တာဟာ ရန်ကုန်မြို့တော်စည်ပင်သာယာရေးကော်မတီအနေနဲ့ ပြည်သူတွေကို အမှိုက်ကိုစနစ်တကျစွန့်ပစ်စေဖို့ရည်ရွယ်ပြီး ပြည်သူအသိပညာပေး စည်းရုံးဆောင်ရွက်တာဖြစ်ပါတယ်။
 
ဒီတစ်ခေါက် Clean Yangon  စုပေါင်းအမှိုက်ကောက် Campaing မှာ ရန်ကုန်မြို့တော်စည်ပင်သာယာရေးကော်မတီ ပတ်ဝန်းကျင်ထိန်းသိမ်းရေးနှင့် သန့်ရှင်းရေးဌာနမှ ၀န်ထမ်းအယောက်(၃၀)နီးပါးပူးပေါင်းပါဝင်ဆောင်ရွက်ခဲ့ပြီး အမှိုက်သိမ်းယာဉ် (၆)စီး၊ အမှိုက်သိမ်းလှည်း(၁၅)စီး၊ အမှိုက်အိတ်တွေကိုလည်း ကူညီပေးခဲ့တယ်လို့သိရပါတယ်။Clean Yangon Campaign  သတ္တမအကြိမ်မြောက် စုပေါင်းအမှိုက်ကောက်မှုကို  ပရဟိတအဖွဲအစည်းပေါင်း (၄၀)မှ စုပေါင်းပါဝင်ပြီး လူအင်အား အယောက်(၁၀၀၀) ပါဝင်စုပေါင်း အမှိုက်ကောက်ခဲ့တာဖြစ်ပြီး အုပ်စု(၂)ခုခွဲကာ တာမွေမြို့နယ်နဲ့ရန်ကင်းမြို့နယ် အနီးတ၀ိုက်ရပ်ကွက်တွေမှာ စုပေါင်းအမှိုက်ကောက်ခဲ့ကြတာပါ။
 
ရန်ကုန်တိုင်းဒေသကြီးအတွင်းမှာ မြို့နယ်ပေါင်း (၄၅)မြို့နယ်ရှိပြီး ရန်ကုန်မြို့တော် စည်ပင်သာယာရေး နယ်နိမိတ်အတွင်းမှာ (၃၃)မြို့နယ်ရှိကာ ၄င်းမြို့နယ်တွေအတွင်း အမှိုက်သိမ်းဆည်းဆောင်ရွက်မှုတွေကို နေ့စဉ်ခရိုင်လေးခုအောက်ရှိ မြို့နယ်စည်ပင်ဝန်ထမ်းများက နေ့စဉ်အမှိုက်သိမ်းဆည်းလျက်ရှိတယ်လို့သိရပါတယ်။ 
 
 
 

Related News