ဖိလစ်ပိုင်နိုင်ငံ မနီလာမြို့၌ ရောက်ရှိနေသည့် နိုင်ငံတော်၏ အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်သည် နိုဝင်ဘာလ(၁၃)ရက်တွင် (၃၁)ကြိမ်မြောက် အာဆီယံထိပ်သီး အစည်းအဝေးနှင့် ဆက်စပ်အစည်းအဝေးများ ဖွင့်ပွဲအခမ်းအနား၊ (၃၁) ကြိမ်မြောက် အာဆီယံ မျက်နှာစုံညီ ထိပ်သီးအစည်းအဝေး(Plenary Session)““ပလန်နရီ ဆက်ရှင်””၊ အာဆီယံ ခေါင်းဆောင်များနှင့် အာဆီယံ စီးပွားရေး အကြံပေးကောင်စီမျက်နှာစုံညီတွေ့ဆုံပွဲ (ASEAN BAC)““အာဆီယံ ဘီအေစီ”” နှစ်(၄၀)ပြည့်အထိမ်းအမှတ် အာဆီယံ-အမေရိကန် ထိပ်သီး အစည်းအဝေး၊ (၂၀)ကြိမ်မြောက် အာဆီယံ-တရုတ်ထိပ်သီး အစည်းအဝေး၊ (၁၉)ကြိမ်မြောက် အာဆီယံ-ကိုရီးယား ထိပ်သီးအစည်းအဝေးနှင့် (၂၀)ကြိမ်မြောက် အာဆီယံ-ဂျပန်ထိပ်သီး အစည်းအဝေးတို့သို့ တက်ရောက်သည်။
 
နိုင်ငံတော်၏အတိုင်ပင်ခံပုဂ်္ဂိုလ်သည် ဒေသစံတော်ချိန် နံနက်(၉)နာရီတွင် မနီလာမြို့ Cultural Center of the Philippines(CCP)၌ ကျင်းပသည့် (၃၁)ကြိမ်မြောက် အာဆီယံထိပ်သီး အစည်းအဝေးနှင့် ဆက်စပ်အစည်းအဝေးများဖွင့်ပွဲ အခမ်းအနားသို့ တက်ရောက်သည်။ရှေးဦးစွာ အာဆီယံအလှည့်ကျဥက္ကဋ္ဌ၊ ဖိလစ်ပိုင်သမ္မတနိုင်ငံ သမ္မတ မစ္စတာ ရိုဒရီဂို ဒူတာတေးနှင့် ဇနီးတို့က ဖွင့်ပွဲအခမ်းအနားနှင့် ထိပ်သီးအစည်းအဝေးများသို့ တက်ရောက်လာသည့် နိုင်ငံတော်၏ အတိုင်ပင်ခံပုဂ်္ဂိုလ်၊ အာဆီယံနိုင်ငံများမှ နိုင်ငံအကြီးအကဲများ၊ အစိုးရအဖွဲ့ အကြီးအကဲများနှင့်အာဆီယံနှင့် ဆက်စပ်အစည်းအဝေးများသို့ တက်ရောက်လာကြသည့် မိတ်ဖက်နိုင်ငံများမှ နိုင်ငံအကြီးအကဲများနှင့် အစိုးရအဖွဲ့အကြီးအကဲများအား Cultural Center of the Philippines(CCP) အ၀င်၌ ကြိုဆိုနှုတ်ဆက်ကြသည်။
 
ဖွင့်ပွဲအခမ်းအနားမစတင်မီ နိုင်ငံအကြီးအကဲများနှင့် အစိုးရအဖွဲ့အကြီး အကဲများသည် မှတ်တမ်းတင်ဓာတ်ပုံရိုက်ကြသည်။အစီအစဉ်အရ အခမ်းအနားကိုအာဆီယံအထိမ်း အမှတ်သီချင်းဖြင့် ဖွင့်လှစ်ပြီး အာဆီယံ အလှည့်ကျ ဥက္ကဋ္ဌ ဖိလစ်ပိုင်သမ္မတနိုင်ငံ သမ္မတက နှုတ်ခွန်းဆက်စကား ပြောကြားသည်။ထို့နောက် နိုင်ငံတော်၏အတိုင်ပင်ခံပုဂ်္ဂိုလ်သည် မနီလာမြို့ Philippines International Convention Centre (PICC)၌ ကျင်းပသည့် (၃၁)ကြိမ်မြောက် အာဆီယံမျက်နှာစုံညီထိပ်သီး အစည်းအဝေး Plenary Session)သို့ တက်ရောက်ရာ အစည်းအဝေးမစတင်မီ နိုင်ငံတော်၏ အတိုင်ပင်ခံပုဂ်္ဂိုလ်သည် အာဆီယံနိုင်ငံများမှ နိုင်ငံအကြီးအကဲများ၊ အစိုးရအဖွဲ့ အကြီးအကဲများနှင့် မှတ်တမ်းတင်ဓာတ်ပုံရိုက်ပြီး အစည်းအဝေးသို့တက်ရောက်သည်။
 
(၃၁)ကြိမ်မြောက် အာဆီယံမျက်နှာစုံညီ ထိပ်သီးအစည်းအဝေး(Plenary Session) အပြီးတွင် နိုင်ငံတော်၏အတိုင်ပင်ခံပုဂ်္ဂိုလ်သည် ထိုင်းနိုင်ငံဝန်ကြီးချုပ် မစ်္စတာ ပရာရွတ်ချန်အိုချာနှင့် မနီလာမြို့ Philippines International Convention Centre (PICC)  ရှိ ဧည့်ခန်းမ၌ တွေ့ဆုံပြီး နှစ်နိုင်ငံ ပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးကြသည်။ဆက်လက်၍ နိုင်ငံတော်၏အတိုင်ပင်ခံပုဂ်္ဂိုလ်သည် အာဆီယံခေါင်းဆောင်များနှင့် အာဆီယံစီးပွားရေးအကြံပေး ကောင်စီမျက်နှာစုံညီတွေ့ဆုံပွဲ(ASEAN BAC)သို့ တက်ရောက်သည်။ယင်းနောက် နိုင်ငံတော်၏အတိုင်ပင်ခံပုဂ်္ဂိုလ်သည် Philippines International Convention Centre (PICC)&Sd Summit Hall ကျင်းပသည့် နှစ်(၄၀)ပြည့် အထိမ်းအမှတ် အာဆီယံ - အမေရိကန် ထိပ်သီးအစည်းအဝေး၊ (၂၀)ကြိမ် မြောက် အာဆီယံ-တရုတ်ထိပ်သီးအစည်းအဝေး၊ (၁၉)ကြိမ်မြောက် အာဆီယံ-ကိုရီးယား ထိပ်သီးအစည်းအဝေးနှင့် (၂၀)ကြိမ်မြောက် အာဆီယံ-ဂျပန် ထိပ်သီးအစည်းအဝေးတို့သို့တက်ရောက်သည်။
 
ဖွင့်ပွဲအခမ်းအနားနှင့် အစည်းအဝေးပွဲများသို့ အာဆီယံအဖွဲ့ဝင်နိုင်ငံများ ဖြစ်သည့် ဘရူနိုင်း၊ ကမ္ဘောဒီးယား၊ လာအို၊ မလေးရှား၊ မြန်မာ၊ အင်ဒိုနီးရှား၊ ဖိလစ်ပိုင်၊ စင်္ကာပူ၊ ထိုင်းနှင့် ဗီယက်နမ်နိုင်ငံတို့မှ နိုင်ငံအကြီးအကဲ၊ အစိုးရအဖွဲ့အကြီးအကဲများ၊ ၀န်ကြီးများ၊ အဆင့်မြင့် အရာရှိကြီးများ၊ အာဆီယံအတွင်းရေးမှူးချုပ်၊ အာဆီယံဆိုင်ရာအမြဲတမ်းကိုယ်စားလှယ်များ၊ အာဆီယံနှင့်မိတ်ဖက်နိုင်ငံများမှ နိုင်ငံအကြီးအကဲများ၊ အစိုးရအဖွဲ့အကြီးအကဲများ၊ ၀န်ကြီးများ၊ အဆင့်မြင့်အရာရှိကြီးများနှင့် တာဝန်ရှိသူများ တက်ရောက်ခဲ့ကြတယ်လို့ နိုင်ငံတော်အတိုင်ပင်ခံရုံးက သတင်းထုတ်ပြန်ထားပါတယ်။
 
 
 

Related News