အကြောင်းအရာအလိုက် အမျိုးသားအဆင့်နိုင်ငံရေးဆွေးနွေးပွဲ၊ တနည်းအားဖြင့် အရပ်ဘက် အဖွဲ့အစည်းများ ဖိုရမ်(CSO Forum )အတွက် ရန်ကုန်တိုင်းဒေသကြီး ကိုယ်စားပြုအရပ်ဘက်အဖွဲ့ အစည်းတွေရဲ့ သဘောထားမူဝါဒတွေကို ဆွေးနွေးနေပါပြီ။ ဒီဇင်ဘာ(၅)ရက်နေ့ကနေ (၇)ရက်နေ့ အထိ ရန်ကုန်မြို့တော်ဝင်နှင်းဆီခန်းမမှာ ပြုလုပ်နေတာ ဖြစ်ပါတယ်။လာမယ့် ၂၁ ပင်လုံတတိယအစည်းအဝေးကို တင်သွင်းမယ့် အရပ်ဘက်အဖွဲ့တွေရဲ့ မူဝါဒစာတမ်းအတွက် အကြောင်းအရာအလိုက် အမျိုးသားအဆင့် နိုင်ငံရေးဆွေးနွေးပွဲကိုတော့ ၂၀၁၈ ခုနှစ် ဇန်န၀ါရီလဆန်းပိုင်းမှာ ပြုလုပ်ဖို့ ရှိနေပါတယ်။
 
အဲ့ဒီဆွေးနွေးပွဲအတွက် လက်ရှိမှာတိုင်းဒေသကြီးနဲ့ ပြည်နယ်အသီးသီးမှာ  အရပ်ဘက် အဖွဲ့အစည်းတွေ တွေ့ဆုံပြီး သဘောထားမူဝါဒတွေ ဆွေးနွေးနေကြပါတယ်။ အခုရန်ကုန်မှာ ပြုလုပ်နေတဲ့ ရန်ကုန်တိုင်းဒေသကြီးအရပ်ဘက်အဖွဲ့တွေ တွေ့ဆုံပွဲကိုတော့ အရပ်ဘက်အဖွဲ့(၇၀၀)ကို ဖိတ်ကြားထားတယ်လို့ သိရပါတယ်။တိုင်းဒေသကြီးနဲ့ ပြည်နယ်အလိုက်ဆွေးနွေးမှုတွေအပြီးမှာတော့ လာမယ့်ဒီဇင်ဘာ နောက်ဆုံး အပတ် မန္တလေးမှာ အကြိုဖိုရမ်ကို ပြုလုပ်မှာဖြစ်ပြီး အဲ့ဒီနောက်မှ နေပြည်တော်မှာ အကြောင်းအရာ အလိုက် အမျိုးသားအဆင့်နိုင်ငံရေး ဆွေးနွေးပွဲ (အရပ်ဘက်အဖွဲ့အစည်းများဖိုရမ်)ကို ပြုလုပ်မှာ ဖြစ်ပါတယ်။
 
လက်ရှိ UPDJC ရဲ့ လုပ်ငန်းလမ်းညွှန် TOR အရ အရပ်ဘက်အဖွဲ့တွေအနေနဲ့ ၂၁ ပင်လုံအစည်းအဝေးအတွက် သတ်မှတ်ပေးထားတဲ့ ကဏ္ဍ(၅)ခုထဲမှာ ကဏ္ဍတစ်ချို့ပေါ်မှာသာ မူဝါဒတင်ပြခွင့်ရှိနေပါတယ်။ ဒါ့အပြင် ၂၁ ပင်လုံအစည်းအဝေးရဲ့ ကဏ္ဍအလိုက် ဆွေးနွေးပွဲတွေမှာ ၀င်ရောက်ဆွေးနွေးပိုင်ခွင့်လည်း မရသေးပါဘူး။ပြီးခဲ့တဲ့ ၂၁ပင်လုံ ဒုတိယအစည်းအဝေးအတွက် ပထမအကြိမ် အရပ်ဘက်အဖွဲ့အစည်းများ ဖိုရမ်ကို နေပြည်တော်မှာ ပြုလုပ်ခဲ့ပေမယ့် ၂၁ ပင်လုံကို မူဝါဒစာတမ်းမတင်သွင်းထားနိုင်ခဲ့ပါဘူး။လာမယ့် အကြောင်းအရာအလိုက် အမျိုးသားအဆင့်နိုင်ငံရေးဆွေးနွေးပွဲ တနည်းအားဖြင့် အရပ်ဘက်အဖွဲ့အစည်းများဖိုရမ်(CSO Forum)ကျင်းပနိုင်ဖို့ တိုင်းဒေသကြီးနဲ့ ပြည်နယ်အလိုက် အရပ်ဘက်အဖွဲ့ ကိုယ်စားလှယ်(၄၀)ဦးပါဝင်တဲ့ ကော်မတီကိုလည်း ဖွဲ့စည်းထားပြီးဖြစ်ပါတယ်။
 
 
 

Related News