သီရိမင်္ဂလာကမ္ဘာအေးစေတီတော် လုံးတော်ပြည့်ရွှေသင်္ကန်းကပ်လှူပူဇော်ဖို့အတွက် ရွှေမိုက်ချွတ်ခြင်း(၄၀)ရာခိုင်နှုန်းပြီးစီးနေပြီလို့ သီရိမင်္ဂလာကမ္ဘာအေးစေတီတော်ဂေါပကအဖွဲ့မှ သိရပါတယ်။သီရိမင်္ဂလာကမ္ဘာအေးစေတီတော် လုံးတော်ပြည့်ရွှေသင်္ကန်းကပ်လှူပူဇော်တာကို (၅)နှစ် တစ်ကြိမ် ပူဇော်တာဖြစ်ပြီး (၂၀၁၂-၂၀၁၃)ခုနှစ်က နောက်ဆုံးပူဇော်ခဲ့တာလို့ သိရပါတယ်။ ယခုလုံးတော်ပြည့်ရွှေသင်္ကန်းကပ်လှူပူဇော်ဖို့အတွက် လုပ်ငန်းစဉ်အဆင့်(၆)ဆင့်သတ်မှတ်ထားပြီး ပထမအဆင့်ဖြစ်တဲ့ ငြမ်းတည်ဆောက်မှုကို နိုဝင်ဘာလ (၁၅)ရက်က စတင်တည်ဆောက်ခဲ့ပြီး ဒီဇင်ဘာလ(၂)ရက်မှာ ရွှေမိုက်ချွတ်ခြင်းကိုစတင်ခဲ့ပြီး ဒီဇင်ဘာလ(၅)ရက်မှာတော့ ရွှေမိုက်ချွတ်ခြင်း (၄၀)ရာခိုင်နှုန်းအထိပြီးစီးနေပြီလို့ သိရပါတယ်။
 
အခုလိုရွှေမိုက်ချွတ်ခြင်း လုပ်ဆောင်နေရာမှာ စေတီတော်ကြီးရဲ့ ကိုယ်လုံးတော်သာမက စိန်ဖူးတော်အထိရောင်တော်ပြန်ဖွင့်တဲ့အတွက် စေတီတော်ကြီးရဲ့ ဌာပနာလုံခြုံမှုရှိစေဖို့ လုံခြုံရေးကင်မရာတွေတပ်ဆင်ထားတယ်လို့ သိရပါတယ်။ရွှေမိုက်ချွတ်ခြင်းလုပ်ငန်းအတွက် သီရိမင်္ဂလာကမ္ဘာအေးစေတီတော်ဂေါပကအဖွဲ့မှ အောက်တိုဘာလက တင်ဒါခေါ်ယူခဲ့ပြီး တင်ဒါလာရောက်လျှောက်ထားသူတွေထဲမှ ““အောင်”” မြန်မာမှုရွှေချနှင့်ရွှေမိုက်ထုပ်လုပ်ငန်းက ငွေကျပ်သိန်း(၃၀၆)သိန်းနဲ့ တင်ဒါအောင်မြင်ခဲ့တယ်လို့ သိရပါတယ်။
 
စေတီတော်ကြီးရဲ့ရွှေမိုက်ချွတ်ခြင်းကို(၁၀)ရက်ကြာ သတ်မှတ်ထားပြီး ရွှေမိုက်ချွတ်ရာမှ ရရှိလာတဲ့ ရွှေမှိုက်တွေကိုစေတီတော်ကြီးရွှေသင်္ကန်းကပ်လှူရာမှာရွှေပြားအဖြစ် ပြန်လည်အသုံးပြု သွားမယ်လို့ သိရပါတယ်။ရွှေမိုက်ချွတ်ခြင်းပြီးစီးပါက စေတီတော်ကိုယ်လုံးတော် သန့်ရှင်းရေးဆောင်ရွက်ခြင်း၊ ရွှေသင်္ကန်းကပ် လှူပူဇော်ခြင်းနဲ့ ငြမ်းဖျက်သိမ်းခြင်းတို့ကို ဆောင်ရွက်သွားမှာဖြစ်ပြီး လုပ်ငန်းကာလ ကို (၂၀၁၈)ဖေဖော်ဝါရီလကုန်အထိ(၄)လကြာ လျာထားတယ်လို့ သိရပါတယ်။
 
 
 

Related News