ရန်ကုန်တိုင်းဒေသကြီးရဲ့ နိုဝင်ဘာလအတွင်း မှုခင်းဖြစ်စဉ်ဖြစ်ပွားမှုမှာ လူသတ်မှု(၂၂)မှု ဖြစ်ပွားခဲ့ပြီး ပြီးခဲ့တဲ့ အောက်တိုဘာလကထက် နှစ်ဆနီးပါးတိုးမြင့်ဖြစ်ပွားလာတယ်လို့ ရန်ကုန်တိုင်း ဒေသကြီးရဲတပ်ဖွဲ့က ထုတ်ပြန်တဲ့ စာရင်းတွေအရ သိရပါတယ်။ ပြီးခဲ့တဲ့ အောက်တိုဘာလနဲ့ နှိုင်းယှဉ်ရင် လူသတ်မှုက(၁၀)မှုထိ တိုးမြင့်လာပြီး နှစ်ဆနီးပါးမြင့် တက်လာတယ်လို့ ရန်ကုန်တိုင်း ဒေသကြီးရဲတပ်ဖွဲ့က ထုတ်ပြန်တဲ့စာရင်းတွေအရ သိရပါတယ်။ ဒါ့ပြင် တိရစ္ဆာန်ခိုးမှုကတော့ ပြီးခဲ့တဲ့လက မဖြစ်ပွားခဲ့ပေမယ့်  ခုလမှာ (၃)မှုဖြစ်ပွားခဲ့ပြီး မုဒိမ်းမှုက(၇)မှု၊ လုယက်မှုက (၂) မှု လျော့ကျလာခဲ့တယ်လို့ ပြောပါတယ်။
 
ရန်ကုန်တိုင်းဒေသကြီးအတွင်း မှာနိုဝင်ဘာလအတွင်း မှုခင်းဖြစ်စဉ်ဖြစ်ပွားမှုတွေမှာ အမှုကြီး(၁၀)မျိုးမှာပါဝင်တဲ့ လူသတ်မှုက (၂၂)မှု၊ မုဒိမ်းမှုက(၂၃)မှု၊ လုယက်မှုက ၃မှုနဲ့ တိရစ္ဆာန်ခိုးမှုက(၃)မှု စုစုပေါင်း(၅၁)မှု ဖြစ်ပွားခဲ့ပြီး ပြီးခဲ့တဲ့ အောက်တိုဘာလနဲ့ နှိုင်းယှဉ်ရင် အမှုကြီးစုစုပေါင်း(၄)မှု တိုးမြင့်ခဲ့တာပါ။ဒါ့အပြင် ခိုးမှုအမျိုးမျိုးက (၁၀၈)မှု၊ နာကျင်စေမှုတွေက (၄၂၄)မှုနဲ့ လိမ်လည်မှု၊ ဆက်သွယ်ရေးဥပဒေ၊ တစ်လင်တစ်မယားစနစ် စတဲ့ ကျန်အခြားအမှုတွေက(၈၁၁)မှု ပါဝင်တဲ့ အခြားအမှုတွေ စုစုပေါင်း(၁၃၄၄)မှုဖြစ်ပွားခဲ့ပြီး ပြီးခဲ့တဲ့လထက် အမှုပေါင်း(၃၂)မှု တိုးမြင့်ဖြစ်ပွား လာတာပါ။ 
 
ကြိုတင်ကာကွယ်ဖမ်းဆီးမှုတွေ အနေနဲ့ကတော့ လက်နက်ပုန်းက(၁၄၃)မှု၊ လောင်းကစား (၁၁၅)မှု၊ ပြည့်တန်ဆာ (၅၆)မှု၊ ကျင့်၅၄က (၃၁၆)မှု၊ ယစ်မျိုး (၂၁၆)မှု၊ ရဲအက်(၁၂၈၆)မှု၊ ခြေချူပ်(၁၁၈)မှု၊ မူးယစ်ဆေးဝါး(၈၁)မှု၊ ဆင်ဆာမဲ့ဗီဒီယိုက (၇)မှု၊ မော်တော်ယာဉ်က (၁၃၄၈)မှု ဖြစ်ပွားခဲ့ပြီး စုစုပေါင်း(၃၆၀၀)မှုနီးပါးဖြစ်ပွားခဲ့တာပါ။ ပြီးခဲ့တဲ့ လကထက် ကြိုတင် ကာကွယ်ဖမ်းဆီးမှု အမှုပေါင်း(၃၇၀)ခန့် တိုးဖမ်းဆီးလာနိုင်တယ်လို့လဲ သိရပါတယ်။ 
 
 
 

Related News