မန္တလေးတိုင်းဒေသကြီးသာစည်မြို့နယ်အတွင်းရှိကျတ္တီးဆည်နှင့် ရေ၀င်လက်တံမြောင်း ရေပိုလွှဲပျက်စီးနေမှုများအားပြန်လည်ပြုပြင်ပေးဖို့လာမည့်၂၀၁၈-၂၀၁၉ဘဏ္ဍာရေး နှစ်မှာဖြည့်စွက်ရန်ပုံငွေအဖြစ်တင်ပြတောင်းခံ ပေးသွားမယ်လို့သိရပါတယ်။ဒီဇင်ဘာလ (၅)ရက်နေ့ကကျင်းပတဲ့ ဒုတိယအကြိမ်မန္တလေးတိုင်းဒေသကြီး လွှတ်တော်အဋ္ဌမ ပုံမှန်အစည်းအဝေး (ပထမနေ့)မှာ သာစည်မြို့နယ်၊မဲဆန္ဒနယ်အမှတ်(၂)တိုင်းဒေသကြီး  လွှတ်တော်ကိုယ်စားလှယ် ဦးစံထွန်းကသာစည်မြို့နယ်အတွင်းရှိ ကျတ္တီးဆည်နှင့်ရေ၀င် လက်တံမြောင်းရေပိုလွှဲပျက်  စီးနေမှုများအားပြန်လည်ပြုပြင်ပေးဖို့ကိုမေးမြန်းတင်ပြခဲ့တာဖြစ်ပါတယ်။
 
၂၀၁၅-၂၀၁၆ခုနှစ်ကမိုးရွာသွန်းမှုများပြားခဲ့တာကြောင့်ကျတ္တီးဆည်ရေ၀င်လက်တံမြောင်း ရေပိုလွှဲပျက်စီးမှုတွေ ဖြစ်ပေါ်ခဲ့ရရပြီး ဒေသခံတောင်သူတွေအနေနဲ့လည်းကျိုးပေါက်သွားတိုင်းလုပ်အား
ပေးလုပ်ဆောင်ခဲ့ကြပေမယ့် မိုးများတာကြောင့် မြေသားဟာ ကျတ္တီးမြေဖြစ်တဲ့အတွက် ပြန်လည် ကျိုးပေါက်နေမြဲဖြစ်တယ်လို့သိရပါတယ်။ ကျတ္တီးဆည်နှင့်ရေ၀င်လက်တံမြောင်း  ရေပိုလွှဲပျက်စီးနေမှုများကို ကွင်းဆင်းစစ်ဆေးရာ ကျတ္တီးဆည်ရေ၀င် လက်တံများကျိုးပေါက်မှုတွေတွေ့ရှိခဲ့ရပြီး ကျတ္တီးဆည်နှင့်ရေ၀င်လက်တံမြောင်း ရေပိုလွှဲပျက်စီးနေမှုများအားပြန်လည် ပြုပြင်ပေးဖို့ လာမည့်၂၀၁၈-၂၀၁၉ဘဏ္ဍာရေးနှစ်မှာ ဖြည့်စွက်ရန်ပုံငွေအဖြစ်တင်ပြတောင်းခံပြီးရန်ပုံငွေရရှိပါက လုပ်ငန်းဆောင်ရွက် ပေးသွားမယ်လို့ မန္တလေးတိုင်းဒေသကြီးစိုက်ပျိုးရေး၊မွေးမြူရေးနှင့်ဆည်မြောင်းဝန်ကြီးဒေါက်တာစိုးသန်းက အခုလိုဖြေကြားခဲ့ပါတယ်။ 
     
ကျတ္တီးဆည်ဟာ သာစည်မြို့နယ်အရှေ့ဘက်(၃)မိုင်ကျော်ခန့်အကွာမှာ တည်ရှိပြီး၂၀၁၅၊၂၀၁၆ခုနှစ်တွေမှာမိုးရွာသွန်းမှုများပြားခဲ့တာကြောင့်ရေ၀င်လက်တံမြောင်း ရေပိုလွှဲ ပျက်စီးမှုတွေဖြစ်ပေါ်ခဲ့ရပြီး ပျက်စီးမှုတွေကိုပြုပြင်ပြီးပါက အဲ့ဒီဒေသမှာရှိတဲ့ဆည်ရေ သောက်ကွင်း များအတွင်းရှိ လယ်(၉၇၆)ဧက၊ယာ(၁၅၈)ဧကအတွက် အဆင်ပြေစေမှာဖြစ်တယ်လို့သိရပါတယ်။
 
 
 

Related News