ပန်းဘဲတန်းမြို့နယ်ရှိ (၃၁)လမ်း-ဗိုလ်ဆွန်ပတ်လမ်းနဲ့ (၂၉)လမ်း-ရွှေဘုံသာလမ်းနောက်ဖေး လမ်းကြား(၂)ခု ကိုပြည်သူများအပန်းဖြေနားနေနိုင်ဖို့အတွက် ပြင်ဆင်နေတယ်လို့သိရပါတယ်။ပန်းဘဲတန်းမြို့နယ်ရှိ (၃၁)လမ်း-ဗိုလ်ဆွန်ပက်လမ်းနဲ့ (၂၉)လမ်း-ရွှေဘုံသာလမ်းနောက်ဖေး လမ်းကြား(၂)ခုကို ပြည်သူများအပန်းဖြေနားနေနိုင်ဖို့အတွက် ရန်ကုန်မြို့တော်စည်ပင်သာယာရေး ကော်မတီ၊ ရပ်ကွက်အုပ်ချုပ်ရေးမှူး၊ ရပ်ကွက်နေပြည်သူတွေနဲ့ ဒို့အိမ်အဖွဲ့တို့ပူးပြုလုပ်တာ ဖြစ်ပါတယ်။
 
လက်ရှိမှာတော့ ရန်ကုန်မြို့တော်စည်ပင်သာယာရေးကော်မတီက အပန်းဖြေနားနေနိုင်ဖို့ အတွက် ပြင်ဆင်နေတဲ့ နောက်ဖေးလမ်းကြား(၂)ခုကို အမှိုက်တွေရှင်းလင်းပြီး မိန်လာကန်တွေနဲ့ ရေမြောင်းတွေကို ကွန်ကရစ်ခင်းနေတယ်လို့ သိရပါတယ်။ကွန်ကရစ်ခင်းပြီးရင်တော့ ရပ်ကွက် အုပ်ချုပ်ရေးမှူး၊ ရပ်ကွက်နေပြည်သူတွေနဲ့ ဒို့အိမ်အဖွဲ့တို့မှ နံရံအမှိုက်ရှင်းတာတွေ၊ ဆေးသုတ်တာ တွေနဲ့ နံရံဆေးရေးပန်းချီဆွဲတာတွေ ပြုလုပ်သွားဖို့ရှိတယ်လို့ သိရပါတယ်။ (၂၉)လမ်းနဲ့ ရွှေဘုံသာလမ်းနောက်ဖေးလမ်းကြားကို ပြည်သူတွေနားနေအပန်းဖြေနိုင်ဖို့အတွက် လုပ်ဆောင်သွားမှာဖြစ်ပြီး နံရံဆေးရေးပန်းချီကိုတော့ ငြိမ်းချမ်းရေးနဲ့သက်ဆိုင်တဲ့ ရုပ်ပုံတွေ ထားရှိသွားဖို့ရှိတယ်လို့ သိရပါတယ်။
 
(၃၁)လမ်းနဲ့ ဗိုလ်ဆွန်ပတ်လမ်းနောက် ဖေးလမ်းကြားကိုတော့ ကလေးကစားကွင်းအဖြစ်အဓိက လုပ်ဆောင်သွားမှာဖြစ်ပြီး နံရံတွေမှာရန်ကုန်မြို့ရဲ့ ရှေးဟောင်း ဓါတ်ပုံတွေချိတ်ဆွဲသွားမယ်လို့ သိရပါတယ်။ ဒို့အိမ်အဖွဲ့ကဦးဆောင်ပြီးအလှဆင်ပြုပြင်ထားပြီးနောက်ဖေးလမ်းကြား(၃)ခုရှိနေပြီး အလှဆင်ပြု ပြင်ဆဲလမ်း(၃)လမ်းရှိနေတယ်လို့ သိရပါတယ်။ အလှဆင်ဖို့လာရောက်ညှိနှိုင်းထားတဲ့ လမ်းကတော့(၃)လမ်းရှိတယ်လို့သိရပါတယ်။ အလှဆင်တဲ့လမ်းတွေရဲ့ကုန်ကျစရိတ်တွေကိုတော့ ဒို့အိမ်အဖွဲ့က(၈၀)ရာခိုင်နှုန်း ကူညီပေးပြီး ရပ်ကွက်နေပြည်သူတွေက (၂၀)ရာခိုင်နှုန်း ထည့်ဝင်ရ တယ်လို့ သိရပါတယ်။
 
 
 

Related News