မေရီချက်(ပ်)မင်းနားမကြားသောကလေးများကျောင်းမှာ နားမကြားကလေးတွေအတွက်ဆရာ၊ ဆရာမလိုအပ်နေသေးတယ်လို့ မေရီချက်(ပ်)မင်းနားမကြားသောကလေးများကျောင်းက သိရပါ တယ်။မေရီချက်(ပ်)မင်းနားမကြားသောကလေးများကျောင်းမှာ (၇)တန်းအထိရှိ ပြီးကျောင်းသား၊ ကျောင်းသူ(၃၅၇)ယောက်ရှိကာ ဆရာ၊ဆရာမဦးရေ (၄၀)ဦးသာရှိတယ်လို့သိရပါတယ်။ နားမကြား ကလေးတွေဟာ လက်သင်္ကေတနဲ့စာသင်ကြားရတာအပြင် နှုတ်ကြည့်ဖတ်ခြင်း၊ လက်ချောင်းများဖြင့် စာလုံးပေါင်းခြင်းနဲ့ စိတ်ပိုင်းဆိုင်ရာတွေကိုလည်းလေ့ကျင့်ပေးရတာကြောင့် ဆရာ၊ ဆရာမဦးရေများ မှသာ ကလေးတွေကို ပိုပြီးဂရုစိုက်သင်ကြားပေးနိုင်မှာဖြစ်တယ်လို့ ပြောပါတယ်။ 
 
နားမကြားကလေးတွေကို စာသင်ကြားဖို့အတွက် မေရီချက်(ပ်)မင်းနားမကြားသော ကလေးများကျောင်းက ဆရာဖြစ်သင်တန်းဖွင့်လှစ်ထားပေမယ့် ဆရာဖြစ်သင်တန်းကိုတက်ရောက်ဖို့ စိတ်ဝင်စားသူနည်းပါးနေတယ်လို့ ပြောပါတယ်။ဆရာဖြစ်သင်တန်းကိုတော့ သင်တန်းကာလ(၈)လ သတ်မှတ်ထားပြီး လက်သင်္ကေတနဲ့စာသင်ကြားမှု၊ စိတ်ပိုင်းဆိုင်ရာသင်ကြားမှုတွေအပြင် နားမကြား ကလေးတွေ အတွက်သင်ကြားမှုနည်းစနစ်ကိုသင် ကြားပေးတာဖြစ်တယ်လို့သိရပါတယ်။လက်ရှိ မေရီချက်(ပ်)မင်းနားမကြားသောကလေးများကျောင်းမှာ သူငယ်တန်းမှ သတ္တမတန်း အထိ ပညာသင်ကြား ပေးနေတဲ့အပြင် စကားပြော၊ နှုတ်ကြည့်ဖတ်ခြင်း၊ လက်ချောင်း များဖြင့် စာလုံးပေါင်းခြင်း၊ လက်သင်္ကေတ ပြဘာသာစကားတွေအပြင် အသက်မွေးဝမ်းကျောင်း ပညာတွေလဲ သင်ကြားပေးနေတယ်လို့သိရပါတယ်။
 
 
 

Related News