မြန်မာနိုင်ငံဆရာဝန်အသင်းရဲ့ စီမံချက်တစ်ခုဖြစ်တဲ့ တီဘီရောဂါတိုက်ဖျက်ရေး နှစ်ပတ်လည် အစည်းအဝေးကို ရန်ကုန်မြို့ ဆူးလေရှန်ဂရီလာဟိုတယ်မှာပြုလုပ်ခဲ့ပါတယ်။မြန်မာနိုင်ငံဆရာဝန်အသင်းရဲ့ တီဘီရောဂါတိုက်ဖျက်ရေးစီမံချက်ကို ပုဂ္ဂလိကဆရာဝန်တွေနဲ့ ပူးပေါင်းပြီး ဖွင့်လှစ်ထားတဲ့ ဆေးခန်းတွေက အနယ်နယ်အရပ်ရပ်မှ ဆရာဝန်တွေက တီဘီရောဂါ သံသယရှိတဲ့ လူနာတွေကို ဆေးရုံတွေကို လွှဲပြောင်းပေးဖို့နဲ့ ရောဂါရှာဖွေကုသမှုတွေကို ပြုလုပ်ပေးနေတာဖြစ်တယ်လို့သိရပါတယ်။ ယခုနောက်ပိုင်းမှာတော့ ဆေးခန်းတွေသာမက ပြင်ပမှ ပုဂ္ဂလိကဆေးရုံတွေမှာပါ ပူးတွဲဆောင်ရွက်နေတယ်လို့ သိရပါတယ်။
 
လက်ရှိမှာ မြန်မာနိုင်ငံ ဆရာဝန်အသင်းရဲ့ တီဘီရောဂါတိုက်ဖျက်ရေးစီမံချက်ကို တိုင်းဒေသကြီးနဲ့ ပြည်နယ်စုစုပေါင်း (၁၄၅)မြို့နယ်မှာ အကောင်အထည်ဖော် ဆောင်ရွက်နေတယ်လို့သိရပါတယ်။ အစည်းအဝေးမှာ မြန်မာနိုင်ငံဆရာဝန်အသင်းရဲ့ တီဘီရောဂါတိုက်ဖျက်ရေးစီမံချက်ရဲ့ တစ်နှစ်တာဆောင်ရွက်ခဲ့တဲ့လုပ်ငန်းတွေနဲ့ နယ်တွေမှာတာဝန်ကျနေတဲ့ တာဝန်ကျ ဆရာဝန်တွေ ကလည်း နယ်မှာကြုံတွေ့ရတဲ့ အောင်မြင်မှုတွေ၊ တိုးတက်မှုတွေနဲ့ အခက်အခဲတွေကို တင်ပြဆွေးနွေး သွားခဲ့ကြပါတယ်။မြန်မာနိုင်ငံဆရာဝန်အသင်းရဲ့ တီဘီရောဂါတိုက်ဖျက်ရေးစီမံချက်ရဲ့လုပ်ဆောင်မှုတွေက နယ်တွေမှာ တီဘီရောဂါရှာဖွေတာအပြင်ကုသမှု၊ လိုအပ်တဲ့အာဟာရပံ့ပိုးမှုတွေနဲ့ တီဘီရောဂါရှင် တွေကို HIV စစ်ဆေးပေးတာတွေကိုပါ ပြုလုပ်ပေးနေတာဖြစ်တယ်လို့ သိရပါတယ်။
 
 
 

Related News