၂၀၁၂ ခုနှစ်ကစပြီး မြန်မာ့ သတင်းလောကမှာ သတင်းမီဒီယာလွတ်လပ်ခွင့်တွေ ရရှိလာပေမဲ့မြန်မာ့ သတင်းမီဒီယာ ကဏ္ဍတစ်ခုလုံး ဖွံ့ဖြိုးတိုးတက်ဖို့ စိန်ခေါ်မှုတွေ ရှိနေသေးတယ်လို့ ချက်ထရီယံဟိုတယ်မှာ ပြုလုပ်နေတဲ့ ဆဋ္ဌမအကြိမ်မြောက် မြန်မာ့မီဒီယာ ဖွံ့ဖြိုးတိုးတက်ရေး ညီလာခံမှာ မြန်မာနိုင်ငံ သတင်းမီဒီယာ ကောင်စီက ပြောကြားခဲ့ပါတယ်။ ၂၀၁၂ ခုနှစ်ကစပြီး စာပေစိစစ်ရေးကင်းလွတ်ခဲ့ပြီး သတင်းရယူ ရေးသားတဲ့အပိုင်းမှာ လွတ်လပ်ခွင့် အနည်းငယ်ရှိလာပေမဲ့ သတင်းလောကတစ်ခုလုံး လွတ်လပ်မှုရှိပြီး ဖွံ့ဖြိုးတိုးတက်ဖို့ စိန်ခေါ်မှုတွေ ရှိနေသေးတယ်လို့သိရပါတယ်။ 
 
မြန်မာ့သတင်းလောကမှာ သတင်းအချက်အလက် ရယူတာက တိကျမှု အားနည်းနေဆဲဖြစ်ပြီး သတင်းရယူရန် အချိန်အကန့်အသတ်ရှိနေတာနဲ့ ငွေကြေးသုံစွဲနိုင်မှု နည်းပါးတာတွေက တိကျမှန်ကန်တဲ့ သတင်းတစ်ပုဒ်ရယူဖို့ စိန်ခေါ်မှုတွေ ဖြစ်နေတာကို ဒီကနေ့ပြုလုပ်တဲ့ သတင်းကျင့်ဝတ်ပိုင်းဆိုင်ရာ ဆွေးနွေးပွဲကနေ သိရပါတယ်။ ဆဋ္ဌမအကြိမ်မြောက် မြန်မာ့မီဒီယာ ဖွံ့ဖြိုးတိုးတက်ရေး ညီလာခံကို ဒီဇင်ဘာ ၇ ရက်နဲ့  ၈ ရက်တို့မှာ ပြုလုပ်သွားမှာဖြစ်ပြီး ယခုပွဲကို ပြန်ကြားရေးဝန်ကြီးဌာနနဲ့ ယူနက်စကို အဖွဲ့အစည်းတို့က ဦးဆောင်ပြုလုပ်ခဲ့ပြီး မီဒီယာ အဖွဲ့အစည်းပေါင်း ၂၀ကျော် ပူးပေါင်းကူညီထားတယ်လို့သိရပါတယ်။
 

Related News