မြန်မာနိုင်ငံမြေမြှုပ်မိုင်းများနှင့် ထပ်ဆင့်ပေါက်ကွဲစေနိုင်သော ပစ္စည်းများစောင့်ကြည့် လေ့လာရေးအဖွဲ့Monitorရဲ့  မြန်မာနိုင်ငံက မြေမြုပ်မိုင်းများနဲ့ပတ်သက်ပြီး ၂၀၁၇ခုနှစ် အစီရင်ခံစာကို ဇန်န၀ါရီလ(၁၀)ရက်က ရန်ကုန်မြို့ တော်ဝင်နှင်းဆီမှာ စာနယ်ဇင်းရှင်းလင်းပွဲ ပြုလုပ်ခဲ့ပါတယ်။ဒီအဖွဲ့ဟာ မိုင်းနဲ့စစ်အတွင်း ကြွင်းကျန်ရစ်တဲ့  ပေါက်ကွဲစေတတ်တဲ့ ပစ္စည်းတွေ ပညာပေးလုပ်ငန်း တွေအဖြစ် ၂၀၁၇ ခုနှစ် စက်တင်ဘာလ မှစပြီး အနည်းဆုံးအဖွဲ့အစည်း(၉)ခုဟာ  အန္တရာယ်လျော့ပါးရေး ပညာပေးပရောဂျက် (၁၃)ခုကို ကချင်၊ ကယား၊ ကရင်၊ ရှမ်း နဲ့ မွန် ပြည်နယ်၊ ပဲခူးတိုင်းဒေသကြီး အရှေ့ဖက်ခြမ်း၊ တနင်္လာရီတိုင်းဒေသကြီးတွေမှာ အကောင်အထည် ဖော်လုပ်ဆောင်ခဲ့တယ်လို့လည်း ပါဝင်ပါတယ်။
 
လွန်ခဲ့တဲ့ (၁၀) စုနှစ်တစ်ခုအတွင်းက နိုင်ငံလိုက် စာရင်းဇယားကို ပြန်ကြည့်မယ်ဆိုရင် မြန်မာနိုင်ငံက မြင့်နေတယ်ဆိုတာကို သတိထားမိမှာဖြစ်ပြီး  မြန်မာနိုင်ငံမှာ မိုင်းကြောင့် ထိခိုက်ဒဏ်ရာရရှိသူ စာရင်းမှာ တတိယရောက်နေတယ်လို့လည်း ဆိုပါတယ်။ ဒါဟာ ကမ္ဘာနဲ့ ချီပြီး ကောက်ထားတဲ့စာရင်းဖြစ်တယ်လို့လည်း သိရပါတယ်။ မြန်မာပြည်မှာ အများဆုံး ထိခိုက်ဒဏ်ရာရတဲ့သူတွေဟာ အထူးသဖြင့်  တောခုတ်၊ တောတိုးနဲ့ အသက်မွေးဝမ်းကြောင်း ပြုနေရတဲ့သူတွေ အများဆုံးဖြစ်တယ်လို့  (အာရှ၊ ပစိဖိတ်၊ အာဖရိက၊ အရှေ့အလယ်ပိုင်း) ဒေသဆိုင်ရာ ညှိနှိုင်းရေးမှူး ဒေါက်တာ ယေရွှာမိုဆာပန်စူဝန်က ပြောပါတယ်။
 
မြန်မာနိုင်ငံက ပြည်နယ်နဲ့ တိုင်းဒေသကြီး(၁၀)ခုကမြို့နယ်(၇၁)မြို့နယ်နီးပါးမှာ မိုင်းပျံနှံ့မှု တွေရှိနေပြီး အဲ့ဒီ့မြို့နယ် (၇၁) မြို့နယ်မှာ မြေမြှုပ်မိုင်း ရှာဖွေတွေ့ရှိတယ်ဆိုတာကို ကုလသမဂ္ဂက ဖော်ထုတ်ထားတာဖြစ်တယ်လို့လည်းဆိုပါတယ်။ အဲ့ဒီမြို့နယ်တွေမှာ တစ်မြို့နယ်လုံး မိုင်းရှိတယ်လို့ မဆိုလိုဘဲ ကျေးရွာအုပ်စု တစ်ချို့မှာမိုင်းရှိတယ်ဆိုတဲ့ သတင်းကြောင့် မြို့နယ် နာမည်ကို တပ်ထားခြင်းဖြစ်တယ်လို့ သိရပါတယ်။ 
 
 
 

Related News