မြန်မာနိုင်ငံရေကြောင်းပညာတက္ကသိုလ်မှ ပြုလုပ်တဲ့ စတုတ္ထအကြိမ်မြောက် ရေအောက်သွား ရေယာဉ်ပြိုင်ပွဲကို ဇန်န၀ါရီလ(၁၀)ရက်က သန်လျင်ရေကြောင်းတက္ကသိုလ်မှာ ပြုလုပ်ခဲ့ပါတယ်။ မြန်မာနိုင်ငံရေကြောင်းပညာတက္ကသိုလ်အနေနဲ့ ရေအောက်သုတေသနဆိုင်ရာ ရေယာဉ်တွေရဲ့ တည်ဆောက်ပုံ၊ ထိန်းချုပ်ပုံစနစ်တို့ကို ခေတ်မီတိုးတက်နေတဲ့ နည်းပညာများနဲ့အညီ ပြုလုပ်နိုင်ရန်၊ ကျောင်းသားတွေရဲ့ တီထွင်ဥာဏ်အရည်အသွေးပိုမိုမြင့်မားလာစေရန်နဲ့ နိုင်ငံအတွက် ရေအောက် သုတသန လုပ်ငန်းများမှာ အသုံးပြုနိုင်တဲ့ ရေအောက်သွားရေယာဉ်တွေ၊ သုတေသန ယာဉ်တွေ တီထွင်ထုတ်လုပ်နိုင်ရန်တို့အတွက် ရည်ရွယ်ပြီး အခုလို ပြိုင်ပွဲတွေကိုပြုလုပ်ပေးတာ ဖြစ်တယ်လို့ သိရပါတယ်။
 
ရေအောက်သွားရေယာဉ်ပြိုင်ပွဲကို (၂၀၁၅)ခုနှစ်မှစတင်ပြုလုပ်လာတာ ဖြစ်ပြီး နှစ်စဉ် ဇန်န၀ါရီလ ပထမအပတ်အတွင်းကျင်းပနိုင်ဖို့ကို ရေကြောင်းစက်မှုအင်ဂျင်နီယာပညာဌာနမှ ဦးစီးဆောင်ရွက်နေတယ်လို့သိရပါတယ်။ပြိုင်ပွဲမှာမြန်မာနိုင်ငံရေကြောင်းပညာတက္ကသိုလ်မှ စိတ်ပါဝင်စားသူ ဆရာ။ဆရာမများက ပြိုင်ပွဲဝင်အုပ်စုတွေကို အကြံဥာဏ်နည်းပညာတွေကူညီပေးပြီးအုပ်စုလိုက်မှာ ကြီးကြပ်သူအနေနဲ့ တာဝန်ယူထားခြင်းမရှိဘူးလို့သိရပါတယ်။ ရေအောက်သွားရေယာဉ်ပြိုင်ပွဲကို ပထမအကြိမ်ဆောင်ရွက် ခဲ့စဉ်တုန်းက မြန်မာနိုင်ငံရေကြောင်းပညာတက္ကသိုလ် ဆရာ၊ ဆရာမ၊ ကျောင်းသားဟောင်းတွေထံမှ ထောက်ပံ့ငွေနဲ့MITT မှထောက်ပံ့ငွေတို့နဲ့ စတင်ခဲ့တာဖြစ်ပြီး ဒုတိယအကြိမ်မှစပြီးWeathernews (Japan) မှအဓိကထောက်ပံ့ငွေနဲ့ နှစ်စဉ်ကျင်းပခဲ့တာလို့သိရပါတယ်။ 
 
ရေအောက်သွားရေယာဉ်ပြိုင်ပွဲမှာ ပထမဆု ငွေကျပ်(၆)သိန်း၊ ဒုတိယဆု ငွေကျပ်(၅)သိန်း၊ တတိယဆု ငွေကျပ်(၄)သိန်းနဲ့ နှစ်သိမ့်ဆုကတော့ငွေကျပ်(၂)သိန်းခွဲချီးမြှင့်ခဲ့တယ်လို့သိရပါတယ်။ ကျောင်းသား၊ကျောင်းသူတွေအတွက် တီထွင်ပြုလုပ်ထားတဲ့ ရေယာဉ်ရဲ့ကုန်ကျငွေနဲ့ ဆုချီးမြှင့်ငွေ မကိုက်ညီပါကလည်း ပြိုင်ပွဲမှာ ကျောင်းသား၊ ကျောင်းသူတွေရရှိလိုက်တဲ့ နည်းပညာနဲ့ အတွေ့အကြုံတွေက ကျောင်းသားတစ်ဦးအတွက် မြင့်မားတဲ့ဆုတစ်ခုဖြစ်တယ်လို့ ရေကြောင်း စက်မှုအင်ဂျင်နီယာပညာဌာနက တာဝန်ရှိသူမှပြောကြားခဲ့ပါတယ်။
 
 
 

Related News