(၇)ကြိမ်မြောက်အဖြစ် ဖွင့်လှစ်တဲ့ ၀ါးလက်မှုအသက်မွေးဝမ်းကြောင်းသင်တန်းဖွင့်ပွဲကို ဇန်န၀ါရီလ(၁၀)ရက်က နေပြည်တော်ရှိဝင်ပြန်ကျေးရွာက သင်တန်းကျောင်းမှာ ပြုလုပ်ခဲ့ပြီး သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနက တာဝန်ရှိသူတွေ မြန်မာနိုင်ငံ ၀ါးစိုက်ပျိုးရေးအသင်းက တာဝန်ရှိသူတွေ တက်ရောက်ခဲ့ကြပါတယ်။ ယခုဖွင့်လှစ်နေတဲ့သင်တန်းမှာ ဒေသအသီးသီးက သင်တန်းသား (၃၀)ပါဝင်ပြီး သင်တန်း ကာလနှစ်လကြာမြင့်မှာဖြစ်ပါတယ်။
 
သင်တန်းမှာ ၀ါးမီးသွေးပြုလုပ်နည်းတွေ၊ ၀ါးကိုရေရှည် အသုံးပြုနိုင်အောင် ပြုလုပ်နည်းတွေ၊ ၀ါးကို အသုံးပြုကာ အိမ်ဆောက်တာတွေ၊ စားပွဲ၊ ကုလားထိုင်နဲ့ ကုတင်တွေ ပြုလုပ်နည်းတွေ အပါအ၀င် ၀ါးအချောထည်ဖြစ်အောင် ပြုလုပ်ရတဲ့ နည်းတွေသင်ကြားပေးမှာဖြစ်တယ်လို့ သိရပါတယ်။ ၀ါးလက်မှု အသက်မွေးဝမ်းကြောင်းသင်တန်းကို တက်ရောက်လိုသူတွေအနေနဲ့ မိမိတို့ တိုင်းဒေသကြီးနဲ့ ပြည်နယ်တွေမှာရှိတဲ့ မြန်မာနိုင်ငံဝါးစိုက်ပျိုးရေးအသင်းက တာဝန်ရှိသူတွေနဲ့ ဆက်သွယ်ပြီး တက်ရောက်နိုင်တယ်လို့ သိရပါတယ်။ 
 
 
 

Related News