မန္တလေးတိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီးဌာန၊ ကျေးလက်ဒေသ ဖွံ့ဖြိုးတိုးတက်ရေးဦးစီးဌာန ကျေးရွာဖွံ့ဖြိုးရေး ရန်ပုံငွေလွှဲပြောင်း ပေးအပ်ပွဲကို ဇန်န၀ါရီ လ ၁၀ ရက်က တံတားဦးမြို့၊ အင်းဝခန်းမမှာ ပြုလုပ်ခဲ့တာပါ။ 
 
မြန်မာနိုင်ငံမှာ ကျေးရွာပေါင်း (၆၀၀၀၀)ကျော်ရှိပြီး ကျေးရွာလိုအပ်ချက်တွေကို အများစုပေါင်းဆွေးနွေးခြင်း၊ ဆုံးဖြတ်ခြင်း၊ အကောင်အထည်ဖော်ခြင်းနဲ့ လေ့လာစောင့်ကြည့်ခြင်း စတဲ့ကျေးရွာဖွံ့ဖြိုးရေး စီမံကိန်းရေးဆွဲခြင်း ကို ၂၀၁၅-၁၆ ဘဏ္ဍာနှစ်ကစပြီး LIFT Fund အဖွဲ့အကူအညီနဲ့ နိုင်ငံတစ်ဝန်း ကျေးလက်ဒေသဖွံ့ဖြိုးတိုးတက်ရေး ဦးစီးဌာနက ဆောင်ရွက်နေတာဖြစ်ပါတယ်။ ၂၀၁၇-၁၈ဘဏ္ဍာရေးနှစ်မှာ စီမံကိန်းရေးဆွဲပြီးဖြစ်တဲ့ တံတားဦးမြို့နယ်မှ ရွာ၈ရွာ၊ သပိတ်ကျင်းမြို့နယ်မှ ၅ရွာ၊  မြို့နယ်လုံးကျွတ်ရေးဆွဲနေတဲ့ ပြင်ဦးလွင်မြို့နယ်မှ ရွာ၃၅ရွာ၊ မြစ်သားမြို့နယ်မှ ရွာ၃၅ရွာ၊ သင်တန်းဖွင်လှစ်ခဲ့ပြီးဖြစ်တဲ့ မြို့နယ်၁၄မြို့နယ်မှ ရွာ၁၄ရွာ၊ စုစုပေါင်း ၉၇ရွာကို ကျေးရွာတစ်ရွာကို ငွေကျပ်သိန်း ၁၀၀စီထောက်ပံ့ပြီး ကျေးရွာဖွံ့ဖြိုးရေးစီမံကိန်းကို ဆက်လက်ဆောင်ရွက်ပေးသွားမယ်လို့ သိရပါတယ်။
 
အခုကျေးရွာဖွံ့ဖြိုးတိုးတက်ရေး ရန်ပုံငွေလွှဲပြောင်းပေးအပ်တဲ့ တံတားဦးမြို့နယ်က ကျေးရွာတွေကတော့ အောင်သာကြီးကျေးရွာ၊ ထနောင်းကိုင်ကုန်းကျေးရွာ၊ တပယ်ကျေးရွာ၊ သားများဘကျေးရွာ၊ ဇီးပင်ကွေ့ကျေးရွာ၊ ညောင်ကန်ကျေးရွာ၊၀ံကတေ့(မ)ကျေးရွာ၊ ငါးရာပြားကျေးရွာ၊ စတဲ့ကျေးရွာတွေဖြစ်ပြီး ကျေးရွာတစ်ရွာကို ငွေကျပ်သိန်း ၁၀၀ စီထောက်ပံပေးကာ ကျေးရွာဖွံ့ဖြိုးရေး လုပ်ငန်းတွေကို ကျေးရွာနေပြည်သူတွေ ၀ိုင်းဝန်းပူးပေါင်း ဆောင်ရွက်ဖို့ ဖြစ်တယ်လို့ သိရပါတယ်။
 
ကျေးရွာဖွံ့ဖြိုးတိုးတက်ရေးဦးစီးဌာနက ကျေးရွာတွေမှာ အသက်မွေးဝမ်းကျောင်းဖွံ့ဖြိုးတိုးတက်ရေး၊ မိသားစုဝင်ငွေတိုးပွားရေး၊ လူ့စွမ်းအားအရင်းအမြစ်ဖွံ့ဖြိုးတိုးတက်ရေး ရည်မှန်းချက်နဲ့ မြစိမ်းရောင် ကျေးရွာစီမံကိန်း၊ လူထုဗဟိုပြုစီမံကိန်း၊ ကျေးလက်အသက်မွေးဝမ်းကျောင်းနှင့် ၀င်ငွေမြှင့်တင်ရေးစီမံကိန်း၊ ကျေးရွာဖွံ့ဖြိုးရေးစီမံကိန်းရေးဆွဲခြင်း အပါအ၀င် ကျေးလက်ဒေသဖွံ့ဖြိုးရေး စီမံကိန်းများကို မိတ်ဖက်အဖွဲ့အစည်းများ၊ ကုလသမဂ်္ဂလက်အောက်ခံ အဖွဲ့အစည်းများ၊ အရပ်ဖက်လူမှုအဖွဲ့အစည်းများနဲ့ ပူးပေါင်းဆောင်ရွက်နေတယ်လို့သိရပါတယ်။ 
 
 
 
 
 

Related News