အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ မြန်မာနိုင်ငံလုပ်သားများ ကျွမ်းကျင်မှု ““စံ””သတ်မှတ်ပြဌာန်းရေးအဖွဲ့၊ မြန်မာနိုင်ငံကျွမ်းကျင်မှု ပြိုင်ပွဲဦးစီးကော်မတီရဲ့ ဦးဆောင်မှုနဲ့ မြန်မာနိုင်ငံကျွမ်းကျင်မှုပြိုင်ပွဲ(၂၀၁၈)ကျင်းပဖို့အတွက် သတင်းစာရှင်းလင်းပွဲကို MICT Park ကျင်းပခဲ့ပါတယ်။မြန်မာနိုင်ငံကျွမ်းကျင်မှုပြိုင်ပွဲ(၂၀၁၈)မှာ ITနည်းပညာနဲ့ ပတ်သက်ပြီး ခေါင်းစဉ်(၃)ခုနဲ့ ယှဉ်ပြိုင်ရမှာဖြစ်ပါတယ်။ ပြိုင်ပွဲကို တက္ကသိုလ်ကျောင်းသား၊ ကျောင်းသူများ၊ အလွတ်တန်းယှဉ်ပြိုင်လိုသူများ၊ ကုမ္ပဏီဝန်ထမ်းများလည်း ပါဝင်ယှဉ်ပြိုင်နိုင်မှာဖြစ်ပြီး အသက်အပိုင်းအခြားအရတော့(၂၁)နှစ်မှ (၂၄)နှစ်အထိသာ ဖြစ်တယ်လို့ သိရပါတယ်။
 
ပြိုင်ပွဲဝင်လျှောက်လွှာတွေကိုတော့ မြန်မာနိုင်ငံကွန်ပျူတာပညာရှင်များအသင်း ရုံးခန်းနဲ့ www.mcpa myanmar.org ၀က်ဆိုက်တို့မှာ download ရယူပြီးလျှောက်ထားနိုင်တာဖြစ်ပါတယ်။  မြန်မာနိုင်ငံ ကျွမ်းကျင်မှုပြိုင်ပွဲ(၂၀၁၈)ကို  IT နည်းပညာနဲ့ပတ်သက်ပြီး ကျွမ်းကျင်မှုနယ်ပယ်အလိုက် လာမယ့် မတ်လကုန်(သို့မဟုတ်) ဧပြီလဆန်းမှာ ယှဉ်ပြိုင်ရမှာဖြစ်ပါတယ်။ မြန်မာနိုင်ငံ ကျွမ်းကျင်မှုပြိုင်ပွဲ ၂၀၁၈ပြိုင်ပွဲကို ပါဝင်ယှဉ်ပြိုင်သူတွေထဲမှ ဆုရရှိသူ ၃ ဦးနဲ့ ယခင်နှစ်ပြိုင်ပွဲမှ ဆုရရှိသူ ၃ ဦးကို Camp သွင်းပြီးအကောင်းဆုံးယှဉ်ပြိုင်နိုင်မယ့်သူကို ထပ်မံရွေးချယ်ကာ လာမယ့် သြဂုတ်လ(၃၁)ရက် ဘန်ကောက်မှာပြုလုပ်ကျင်းပမယ့် World Skills Asean 2018 ပြိုင်ပွဲကို မြန်မာနိုင်ငံ ကိုယ်စားပြုအဖြစ် သွားရောက်ယှဉ်ပြိုင်ခွင့်ရရှိမှာ ဖြစ်တယ်လို့ သိရပါတယ်။
 
 
 

Related News