မြို့ပြတွေရဲ့ ငလျင်ဘေးအန္တရာယ်နဲ့ သဘာဝဘေးအန္တရာယ်လျော့ပါးသက်သာစေရေး စီမံကိန်းပြီးဆုံးကြောင်း စာတမ်းဖတ်ပွဲ အခမ်းအနားကို  ဇန်န၀ါရီလ(၁၇)ရက်က ရန်ကုန်မြို့ မြန်မာနိုင်ငံအင်ဂျင်နီယာအသင်းမှာ ပြုလုပ်သွားခဲ့တာ ဖြစ်ပါတယ်။ မြို့ပြတွေမှာ ငလျင်ဘေးအန္တရာယ်လျော့ပါးသက်သာစေရေး စီမံကိန်းကို (၂၀၁၆)ခုနှစ်ကစတင် ပြုလုပ်တာဖြစ်ပြီး စီမံကိန်းမှာ ရန်ကုန်မြို့တော်စည်ပင်သာယာရေးကော်မတီ၊ မြန်မာနိုင်ငံ အင်ဂျင်နီယာအသင်း၊ မြန်မာနိုင်ငံမြေငလျင်ကော်မတီ၊  ရန်ကုန်နည်းပညာ တက္ကသိုလ်တို့မှ ပူးပေါင်းပြီး ဆောင်ရွက်ခဲ့ကြတာဖြစ်ပါတယ်။
 
စီမံကိန်းပြုလုပ်ဖို့အတွက် ရန်ကုန်မြို့တွင်း လူနေထူထပ်တဲ့  တာမွေမြို့နယ်နဲ့ ပုဇွန်တောင်မြို့နယ်ကိုရွေးချယ်ခဲ့တယ်လို့ စာတမ်းဖတ်ပွဲမှ သိရပါတယ်။ ဒီမြို့နယ်(၂)ခုဟာ ကန်ထရိုက်တိုက်တွေအများဆုံးရှိတာကြောင့် ဖြစ်ပြီးတာမွေမြို့နယ် အတွင်းမှာတော့ ဗျိုင်းကွက်သစ် ရပ်ကွက်နဲ့ ပုဇွန်တောင်မြို့နယ်အတွင်းမှာတော့ အမှတ်(၂)ရပ်ကွက် ကို စီမံကိန်းပြုလုပ်ဖို့ရွေးချယ်ထားတာ ဖြစ်တယ်လို့ ပြောပါတယ်။မြို့ပြတွေမှာ ငလျင်ဘေးအန္တရာယ်လျော့ပါးသက်သာစေရေး စီမံကိန်းမှာ သက်ဆိုင်ရာ အဖွဲ့အစည်းတွေနဲ့ပူးပေါင်းပြီး မြို့ပြအဆောက်အဦးစောင့်ကြည့်ရေး ပရိုဂရမ်ကို မျက်မြင်နဲ့ ကြည့်ရှုနိုင်မယ့်နည်းလမ်းကို တာမွေနဲ့ ပုဇွန်တောင်မြို့နယ်ရှိ စာသင်ကျောင်းတွေမှ တစ်ဆင့် သင်ကြားပေးနိုင်ခဲ့တယ်လို့ ဆိုပါတယ်။
 
ဒါ့အပြင်ငလျင်ဘေးအန္တရာယ်လျော့ပါးရေး ပိုစတာတွေ ဆွဲခိုင်းတာနဲ့စာစီစာကုံးရေးခိုင်းတာတွေပြုလုပ်ပေးတဲ့အတွက်ကလေးတွေရဲ့မိဘတွေကပါ ပါဝင်ဆောင်ရွက်လာတာကိုတွေ့ရှိရတယ်လို့ပြောပါတယ်။ အဲ့ဒီမြို့နယ်(၂)မြို့နယ်အတွင်းမှ ရပ်ကွက်(၂)ရပ်ကွက်ကို ရပ်ရွာအခြေပြုပြီး သဘာဝဘေးအန္တရယ်ဖြစ်လာရင် ဘယ်လိုနည်းတွေနဲ့ကာကွယ်နိုင်သလဲဆိုတာတွေကို ပညာပေးအစီအစဉ်တွေကို စာသင်ကျောင်းတွေမှတစ်ဆင့်ပြည်သူတွေကို စည်းရုံးနိုင်ခဲ့တယ်လို့ ဆိုပါတယ်။ဒါ့ကြောင့် မြို့ပြတွေရဲ့ ငလျင်ဘေးအန္တရာယ်လျော့ပါးသက်သာစေရေးစီမံကိန်း ပြီးဆုံးမှု စာတမ်းဖတ်ပွဲကိုပြုလုပ်တာဖြစ်တယ်လို့ သိရပါတယ်။
 
 
 

Related News