မြန်မာနဲ့ဒိန်းမတ်နိုင်ငံတို့ အကြားပူးပေါင်းလုပ်ဆောင်မယ့်ပင်လယ်ကမ်းရိုးတန်းနေပြည်သူများ ရာသီဥတု ပြောင်းလဲမှု အခြေအနေတွေကို လိုက်လျောညီထွေစွာရပ်တည်နိုင်ရေးအတွက် အရေးပါတဲ့ စီမံကိန်းကို လက်မှတ်ရေးထိုးခဲ့ကြတယ်လို့ သိရပါတယ်။ မြန်မာနဲ့ဒိန်းမတ်နိုင်ငံတို့ အကြားသဘောတူလက်မှတ်ရေးထိုးပွဲကို ဖေဖော်ဝါရီလ(၉)ရက်က နေပြည်တော်မှာရှိတဲ့ 
သဘာဝပတ်ဝန်းကျင်ထိန်းသိမ်းရေးဝန်ကြီးဌာနရုံးမှာ ပြုလုပ်ခဲ့ပြီး သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန သစ်တောဦးစီးဌာန ညွှန်ကြားရေးမှူးချုပ် ဒေါက်တာညီညီကျော်နဲ့ မြန်မာနိုင်ငံဆိုင်ရာ ဒိန်းမတ်သံအမတ်ကြီးတို့က သဘောတူလက်မှတ်ရေးထိုးခဲ့ကြတာပါ။
 
မြန်မာနိုင်ငံမှာ လေ့လာဆန်းစစ်မှုတွေအရဒီရေတောဖုံးလွှမ်းနေတဲ့ ဧရိယာအကျယ်အ၀န်းဟာ (၄၈၅၀၀၀)ဟက်တာခန့် ရှိတယ်လို့ သိရပါတယ်။သို့သော်လည်းလွန်ခဲ့တဲ့ ဆယ်စုနှစ်များအတွင်း စိုက်ပျိုးမြေနဲ့ ပုစွန်ကန်တွေ တိုးချဲ့ ဖော်ထုတ်တာတွေ၊ သစ်နဲ့ထင်းတွေအလွန်အကျွံထုတ်လုပ်တာတွေကြောင့် ဒီရေရောက် သစ်တောတွေ အလျင်အမြန်ပျက်စီးခဲ့တယ်သိရပါတယ်။ ဒီရေရောက်သစ်တောတွေ ပျက်စီးလာခြင်းနဲ့အတူ ဒီရေတောဂေဟစနစ်တွေပျက်စီးလာပြီး သစ်တောထွက်ပစ်္စည်းတွေ ရှားပါးလာခြင်း၊ ရေထွက်ပစ္စည်းတွေထုတ်လုပ်မှုကျဆင်းလာခြင်း၊ အလုပ်အကိုင်ရှားပါးလာခြင်း၊ သဘာဝဘေး အန္တရာယ်တွေ အတားအဆီးမဲ့ ၀င်ရောက်လာခြင်းတွေအပါအ၀င် ဆားငန်ရေ ၀င်ရောက်မှုကြောင့် စိုက်ပျိုးရေးထုတ်လုပ်မှုကျဆင်းလာခြင်း စတဲ့ဆိုးကျိုးတွေရင်ဆိုင်နေရတယ်လို့ သိရပါတယ်။ ဒါကြောင့်ဒိန်းမတ်နိုင်ငံနဲ့ပူးပေါင်းကာ ဒီရေတောတွေပြန်လည်ထူထောင် ရေးလုပ်ငန်းတွေကို ရခိုင်ပြည်နယ်နဲ့ တနသာင်္ရီတိုင်းဒေသကြီးတစ်လျှောက် ယခု(၂၀၁၇)နှစ် ဇန်န၀ါရီလမှ (၂၀၂၃)မတ်လအထိ ဆောင်ရွက်သွားမယ်လို့ သိရပါတယ်။ မြန်မာနိုင်ငံဟာကမ္ဘာပေါ်မှာ ဒီရေတောပေါက်ရောက်မှုအများဆုံးနိုင်ငံတစ်နိုင်ငံထဲမှာပါဝင်ပြီး ကမ္ဘာ့ဒီရေတောပေါက်ရောက်မှုအဆင့်(၇)မှာရှိတယ်လို့ သိရပါတယ်။
 
 

Related News