ပြည်ထောင်စုနေ့အထိမ်းအမှတ်  မြန်မာ့လက်ရာပွဲတော်ကို ရန်ကုန်မြို့စိမ်းလန်းစိုပြေပန်းခြံမှာ ဖေဖော်ဝါရီလ (၁၁)ရက်ကနေ (၁၃)ရက်နေ့အထိ ကျင်းပသွားမှာဖြစ်ပြီး ဖေဖော်ဝါရီ(၉)ရက်မှာတော့ ပြင်ဆင်မှုများစတင်ပြုလုပ်နေပြီဖြစ်ပါတယ်။မြန်မာ့လက်ရာပွဲတော်ကို မြန်မာ့ယဉ်ကျေးမှုအမွေအနှစ်များထိန်းသိမ်းစောင့်ရှောက်ရေးအဖွဲ့က ကြီးမှူးပြီး တိုင်းရင်းသားတွေရဲ့ လက်ရာတွေကို ဖော်ထုတ်ပြသသွားမှာဖြစ်တယ်လို့သိရပါတယ်။ နိုင်ငံခြားသားတွေနဲ့ ပြည်သူအများစုလေ့လာသိရှိစေရန်  တိုင်းရင်းသားတို့ရဲ့လက်မှုပစ္စည်းများ ထုတ်လုပ်မှုအဆင့်ဆင့်ကို ပြခန်း(၁၂)ခန်းနဲ့ ပြသသွားမှာဖြစ်ပါတယ်။ ပိုးထည်လွန်းရာကျော် ရက်ကန်းလုပ်ငန်း၊ အင်းလေးကြာထည်နှင့် ပိုးထည်လုပ်ငန်း၊ ကချင်ရိုးရာဂျပ်ခုတ်လုပ်ငန်း၊ မြန်မာ့ရိုးရာယွန်းထည်လုပ်ငန်း၊ မြန်မာ့ရိုးရာရွှေပန်းထိမ်လုပ်ငန်းအစရှိတဲ့ ရိုးရာလုပ်ငန်းတွေကို ခင်းကျင်းပြသ သွားမှာဖြစ်တယ်လို့ သိရပါတယ်။
 
ပြည်ထောင်စုနေ့အထိမ်းအမှတ် မြန်မာ့လက်ရာပွဲတော်မှာ မြန်မာ့လက်ရာဆိုင်ခန်း ပါဝင်ပြသကြမယ့် မြန်မာပြည်အရပ်ရပ်မှာရှိတဲ့တိုင်းရင်းသားပေါင်းစုံကို ပြပွဲမကျင်းပမှီ (၃)လခန့်အလိုအတည်းက ကြိုတင်ဖိတ်ကြားထား တာဖြစ်တယ်လို့ သိရပါတယ်။ မြန်မာ့လက်ရာ ပွဲတော်မှာ မြန်မာတိုင်းရင်းသားတို့ရဲ့မတူညီကွဲပြားတဲ့ရိုးရာအကအလှများကို ဖျော်ဖြေတင်ဆက် သွားမှာဖြစ်ပြီး တိုင်းရင်းသားတို့ရဲ့ရိုးရာအစားအစာများ၊ အသုံးအဆောင် အနုလက်ရာပစ္စည်းများ ကိုလည်း ခင်းကျင်းပြသ ရောင်းချသွားမှာဖြစ်တယ်လို့ သိရပါတယ်။ ဖွင့်ပွဲကျင်းပမယ့်ဖေဖော်ဝါရီ (၁၁)ရက်မှာတော့ ပန်းခြံဝင်ကြေးကို အခမဲ့ဝင်ရောက်ခွင့်ပေးသွားမှာ ဖြစ်တယ်လို့ သိရပါတယ်။မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ကိုတော့ (၂၀၁၆)ခုနှစ် ဇွန်လက စတင်ဖွဲ့စည်းခဲ့တာဖြစ်ပြီး ယဉ်ကျေးမှုအမွေအနှစ်တွေကို ရေရှည်တည်တံခိုင်မြဲဖို့ ဖွဲ့စည်းခဲ့တာ ဖြစ်တယ်လို့ သိရပါတယ်။
 
 

Related News