ဘွဲ့ရ မီးသတ်ဦးစီးမှူးလောင်းသင်တန်းအမှတ်စဉ်(၁၆/၂၀၁၇)သင်တန်းဆင်းပွဲနဲ့ ရာထူး ခန့်အပ်လွှာပေးအပ်ပွဲကို ဖေဖော်ဝါရီလ၉ရက်က ပြင်ဦးလွင်ဗဟိုမီးသတ် သင်တန်းကျောင်းမှာ ပြုလုပ်ခဲ့ပါတယ်။ ဗဟိုမီးသတ်သင်တန်းကျောင်း ပြင်ဦးလွင်မှာဘွဲ့ရပြီးသူတွေ တက်ရောက်နိုင်တဲ့ လက်ထောက် ဦးစီးမှူးသင်တန်းကို စာတွေ့လက်တွေ့လေ့ကျင့်သင်ကြားပေးနေတာဖြစ်ပြီး ဘွဲ့ရမီးသတ်ဦးစီးမှူး လောင်း သင်တန်းအမှတ်စဉ် ၁၆/၂၀၁၇ မှာတက်ရောက်သင်ကြားပြီးမြောက် အောင်မြင် ခဲ့ကြတဲ့ သင်တန်းသား၊သင်တန်းသူ ၂၅၉ဦးကို ရာထူးခန့်အပ်လွှာပေးအပ်ပွဲ ပြုလုပ်ခဲ့တာဖြစ်ပါ တယ်။ ဒီသင်တန်းမှာ မီးသတ်တပ်ဖွဲ့ရဲ့ဥပဒေ၊ နည်းဥပဒေ၊ လုပ်ထုံးလုပ်နည်း၊ အမိန့်ညွှန်ကြား ချက်များ၊ ကျင့်ဝတ်များသိရှိနားလည်းတတ်ကျွမ်းဖို့၊မီးသတ်ပညာရပ်များရှာဖွေက ယ်ဆယ်ရေး ဘာသာရပ်တွေကို ကျွမ်းကျင်တတ်မြောက်ဖို့၊အရည်အချင်းပြည့်ဝတဲ့ လက်ထောက်မီးသတ် ဦးစီးမှူးအရာရှိငယ်အဆင့်ရောက်ရှိစေဖို့၊ လေ့ကျင့်သားပြည့်ဝတဲ့ အရာရှိငယ်များဖြစ်ဖို့ရည်ရွယ်ပြီး နှစ်စဉ်လေ့ကျင့်သင် ကြားပေးနေတယ်လို့ ပြောပါတယ်။ဒီသင်တန်းကို ဘွဲ့ရပြီးသူတွေအနေနဲ့ ခေါ်ယူချိန်မှာလျှောက်ထားနိုင်ပြီး သင်တန်း တက်ရောက်ခွင့်ရပါက သင်တန်းကာလ ၃၆ပတ်ကြာလေ့ကျင့်သင်ကြားတက်ရောက်ရမှာ ဖြစ်ပါတယ်။
 
ပြင်ဦးလွင် ဗဟိုမီးသတ်သင်တန်းကျောင်းကို ၁၉၉၉ ခုနှစ်က စတင်ဖွင့်လှစ်ခဲ့တာဖြစ်ပြီး လက်ထောက်ဦးစီးမှူးလောင်းသင်တန်း ၁၆ ကြိမ်ဖွင့် လှစ်ခဲ့တာမှာ အရာရှိလောင်း ၁၆၅၀ ဦးကို မွေးထုတ်ပေးနိုင်ခဲ့တယ်လို့သိရပါတယ်။ အခုသင်တန်းမှာ စံပြဆု ၂ဆု၊ လေ့ကျင့်ရေးထူးချွန်ဆု ၂ဆု၊နဲ့ စာပေထူးချွန်ဆု ၂ဆု စုစုပေါင်း ၆ ဆု ကိုလည်းပေးအပ်တာဖြစ်ပါတယ်။ မီးသတ်ဦးစီးဌာနရဲ့ ရည်မှန်းချက်ဖြစ်တဲ့ မီးဘေးလုံခြုံရေး၊ သဘာဝဘေးအန္တရာယ် ကာကွယ်ရေး၊ ရှာဖွေကယ်ဆယ်ရေးနှင့် ပြည်သူ့အကျိုးပြု ဆောင်ရွက်ရေးလုပ်ငန်းတွေကို အကောင် အထည်ဖော် ဆောင်ရွက်နေတယ်လို့သိရတယ်။
 
 

Related News