(၆)ကြိမ်မြောက်အဖြစ်ကျင်းပပြုလုပ်ခဲ့တဲ့ အမျိုးသားအဆင့်လူမှုဖူလုံရေးအစည်အဝေးကို နေပြည်တော်မှာ ပြုလုပ်ခဲ့တယ်လို့ သိရပါတယ်။ (၆)ကြိမ်မြောက် အမျိုးသားအဆင့်လူမှုဖူလုံရေးအစည်အဝေးကို ဖေဖော်ဝါရီလ(၁၆)ရက်က နေပြည်တော်မှာရှိတဲ့ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ရုံးမှာပြု လုပ်ခဲ့တာဖြစ်ပြီး အလုပ်သမားလူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေနဲ့ အတူ အမျိုးသားအဆင့်လူမှုဖူလုံရေးအဖွဲ့ဝင်တွေဖြစ်တဲ့ အစိုးရ၊ အလုပ်ရှင်နဲ့ အလုပ်သမား ကိုယ်စားလှယ် စုစုပေါင်း(၂၀)ပါ တက်ရောက်ခဲ့ကြပါတယ်။
 
ယခုအစည်းအဝေးမှာ အစိုးရ၊ အလုပ်ရှင်နဲ့ အလုပ်သမားသုံးပွင့်ဆိုင်ဆက်ဆံရေးကောင်းမွန်ပြီး တည်ငြိမ်အေးချမ်းတဲ့ လုပ်ငန်းခွင်တွေ ဖြစ်ပေါ်လာရေး၊ လုပ်ငန်းခွင်မတော်တဆထိခိုက်မှုအပါအ၀င် လူမှုဖူလုံရေးအာမခံအလုပ်သမားများအတွက် လူမှုကာကွယ်ရေးနှင့် ကျန်းမာရေးစောင့်ရှောက်မှုတွေ ပေးနိုင်ရေး စတဲ့ လူမှုဖူလုံရေး စီမံကိန်းကိုအကောင်အထည်ဖော် ဆောင်ရွက်ရေး ရည်မှန်းချက်(၉) ခုနဲ့ ပတ်သက်တဲ့ ကိစ္စရပ်တွေကိုဆွေးနွေးခဲ့ကြတယ်လို့ 
သိရပါတယ်။ ဒါ့အပြင်လူမှုဖူလုံရေး အာမခံအလုပ်သမား တွေအတွက် ကျန်းမာရေးစောင့်ရှောက်မှုနဲ့ အကျိုးခံစားခွင့် တွေထိရောက်စွာပေးနိုင်ရေးကိုလည်း ဆွေးနွေးခဲ့ကြပါတယ်။ လူမှုဖူလုံရေးအဖွဲ့အနေနဲ့ လာမည့် အနာဂတ်မှာ ကြုံတွေ့နိုင်တဲ့ အခက်အခဲ၊ စိန်ခေါ်မှုတွေကိုလည်း တက်ရောက်လာတဲ့ အစိုးရ၊ အလုပ်ရှင်နဲ့ အလုပ်သမားကိုယ်စားလှယ်တွေ ဆွေးနွေးခဲ့ကြတယ်လို့ သိရပါတယ်။ 
 
လက်ရှိ မြန်မာနိုင်ငံမှာ လူမှုဖူလုံရေးအကျုံးဝင်အာမခံအလုပ်သမားပေါင်း(၁ဒသမ၁သန်း)ရှိကာ ကျန်းမာရေးစောင့်ရှောက်မှုနဲ့ အကျိုးခံစားခွင့်တွေရရှိ စေရေးအတွက် မြို့နယ်ပေါင်း(၁၁၆) မြို့နယ်မှာ အလုပ်သမားဆေးရုံ(၃)ရုံ မြို့နယ်ရုံး(၇၇)ရုံး၊ မြို့နယ်ဆေးခန်းပေါင်း(၉၆)ခန်း၊ ဌာနကြီးဆေးခန်း(၅၅)ခန်း၊ လူမှုဖူလုံရေး -ကဲလ်လ်ဝဲဆေးခန်း(၃)ခန်းအပါအ၀င် တိုင်းရင်းဆေးကုခန်း(၁)ခန်းနဲ့ ရွေ့လျားဆေးကုသ ယာဉ်(၂)စီးတို့နဲ့ ဆောင်ရွက်ပေးနေတယ်လို့ သိရပါတယ်။
 
 

Related News