ရန်ကုန်တိုင်းဒေသကြီး ရဲတပ်ဖွဲ့က အကြမ်းဖက်မှုတွေနဲ့ လူစုလူဝေးတွေကိုနည်းစနစ်ကျစွာ စီမံခန့်ခွဲဖြေရှင်းနိုင်ဖို့ အတွက် စနစ်တကျစီမံခန့်ခွဲနည်း (ဆင့်ပွား)သင်တန်း (၁/၂၀၁၈) ကို (၄)ပတ်ကြာသင်ကြားပေးခဲ့ပြီး ဖေဖော်ဝါရီလ(၁၆)ရက်က ရန်ကုန်တိုင်းဒေသကြီးရဲတပ်ဖွဲ့မှူးရုံးမှာ အဆိုပါသင်တန်းဆင်းပွဲကို ပြုလုပ်ခဲ့တာဖြစ်ပါတယ်။ဒီသင်တန်းကို ဥရောပသမဂ္ဂ (EU) မှ သင်ကြားပေးခဲ့တဲ့ အရာရှိနှင့် အခြားအဆင့် သင်တန်းနည်းပြဆရာတွေက တဆင့်သင်ကြားပေးတာဖြစ်ပါတယ်။ အရင်ကလူစုလူဝေးတွေကို စီမံခန့်ခွဲပြီး ထိန်းချုပ်ရာမှာ အားနည်းချက်တွေ ရှိခဲ့တာတွေကြောင့် ၂၀၁၃ခုနှစ်က စတင်ပြီး အခုလို လူစုလူဝေးအားစီမံခန့်ခွဲနည်းကို ဥရောပသမဂ္ဂ(EU)တို့နှင့် ပူးပေါင်းပြီး မြန်မာနိုင်ငံ ရဲတပ်ဖွဲ့ဝင်တွေကို သင်ကြားပေးခဲ့တာဖြစ်တယ်လို့ သိရပါတယ်။
 
အခုလို လူစုလူဝေးအားစနစ်တကျစီမံခန့်ခွဲနည်း(ဆင့်ပွား) သင်တန်းဟာ ဆန္ဒပြမှုတွေနဲ့ အကြမ်းဖက်မှုဖြစ်စဉ်တွေမှာ လူစုလူဝေးတွေကို ကုလသမဂ္ဂမှပြဋ္ဌာန်းထားတဲ့ လူ့အခွင့်အရေးဆိုင်ရာ အချက်တွေကို အခြေခံပြီး စနစ်တကျစီမံခန့်ခွဲနိုင်ဖို့ အတွက် နိုင်ငံတကာစံချိန်စံညွှန်းတွေနဲ့အညီ သင်ကြားပေးတာဖြစ်တယ်လို့ သိရပါတယ်။ ၂၀၁၇ ခုနစ်မှာတော့ ဒီသင်တန်းကို အမှတ်စဉ်(၃)ခု ဖွင့်လှစ်ကာ ရဲတပ်ဖွဲ့ဝင်(၄၅၀)ဦးကို သင်ကြားပေးခဲ့တာဖြစ်ပြီး အခုတစ်ကြိမ်မှာတော့ သင်တန်းသား ဦးရေ (၃၀)ဦးကို သင်ကြားပေးခဲ့တာဖြစ်ပါတယ်။
 
ရန်ကုန်တိုင်းဒေသကြီးရဲတပ်ဖွဲ့က ရဲတပ်ဖွဲ့ဝင်တွေဟာ တာဝန်ထမ်းဆောင်ရာမှာ နိုင်ငံတကာ စံချိန်စံညွှန်းတွေနဲ့အညီ ကိုင်တွယ်ဖြေရှင်းနိုင်ဖို့ လူစုလူဝေးအားစနစ်တကျစီမံခန့်ခွဲနည်း၊ ဖမ်းဆီးနည်းသင်တန်း၊ ပြည်သူဗဟိုပြုရဲလုပ်ငန်းသင်တန်းစတဲ့ ဆင့်ပွားသင်တန်းတွေကို ၂၀၁၃ခုနှစ် ကစတင် သင်ကြားပေးနေတာဖြစ်ပါတယ်။
 
 

Related News