ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA)  အစီအစဉ်နှင့် ဂျပန်နိုင်ငံကို လေ့လာရေးခရီးသွားရောက်တဲ့ အစိုးရ၀န်ထမ်းဦးရေ တစ်နှစ် ငါးရာခန့်ရှိတယ်လို့ ဂျိုက်ကာပညာသင် ဟောင်းများအသင်းဥက္ကဋ္ဌ ဦးအောင်ဒင်ကပြောပါတယ်။JICA  လို့လူသိများတဲ့ ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအစီအစဉ်ဟာ မြန်မာအပါအ၀င် ကမ္ဘာပေါ်က ဖွံဖြိုးဆဲနိုင်ငံများကို ကဏ္ဍမျိုးစုံ အကူအညီပေးနေတဲ့ အဖွဲအစည်း တစ်ခုဖြစ်ပါတယ်။
 
မြန်မာနိုင်ငံမှာလည်းJICA  ရဲ့ အကူအညီနှင့် ပညာသင်ကြားရေးနှင့်တခြားကဏ္ဍ ပေါင်းစုံလေ့လာအစီအစဉ်တွေအတွက် ဂျပန်နိုင်ငံကို သွားရောက်ကြတဲ့ လူဦးရေဟာလည်း တစ်နှစ်ငါးရာလောက်ရှိနေတယ်လို့ ဖေဖော်ဝါရီ(၁၇)ရက်က ကျင်းပတဲ့ JICA  ပညာသင် ဟောင်းများအသင်း နှစ်ပတ်လည်အစည်းအဝေးကသိရပါတယ်။
 
JICA  ပညာသင်ဟောင်းများအသင်းအနေနဲ့ JICA  အစီအစဉ်နဲ့ ဂျပန်နိုင်ငံကိုသွားရောက်ဖို့ ရှင်းလင်းပြသရတာတွေကို အပတ်စဉ် (၁၀)ဦးခန့်ကို ဂျပန်နိုင်ငံအကြောင်း ရှင်းလင်းပြောဆို နေတာတွေလည်း ရှိနေတယ်လို့ဆိုပါတယ်။ဂျပန်အပြည်ပြည်ဆိုင်ရာပူးပေါင်းဆောင်ရွက်ရေးအေဂျင်စီ အနေနဲ့မြန်မာနိုင်ငံကိုအကူအညီပေးအပ်မှုမှာ ထိပ်တန်းအဆင့်မှာ ပါဝင်နေတယ်လို့ လဲပြောပါတယ်။
 
ဂျပန်အပြည်ပြည်ဆိုင်ရာပူးပေါင်းမှုအစီအစဉ်အနေနဲ့ ပညာသင်ကြားရေးအတွက် မြန်မာနိုင်ငံမှ ဂျပန်နိုင်ငံကိုသွားရောက်နေတဲ့ အရေအတွက်ကတော့ နှစ်စဉ် အယောက် နှစ်ရာလောက်ရှိနေတယ်လို့ ဂျိုက်ကာ ပညာသင်ဟောင်း ဥက္ကဋ္ဌကဆိုပါတယ်။ှဲုဃဗ ကို (၁၉၇၄)ခုနှစ်မှာ ဖွဲ့စည်းခဲ့တာဖြစ်ပြီး လက်ရှိအချိန်အထိ JICA အစီအစဉ်နှင့် မြန်မာနိုင်ငံမှပညာသင်ကြားခဲ့တဲ့ ဦးရေ(၇၀၀၀)လောက်ရှိနေတယ်လို့ အသင်းဥက္ကဋ္ဌကပြောပါတယ်။ ဒေသတွင်းအာဆီယံနိုင်ငံတွေထဲက ဘရူနိုင်းနှင့်စင်ကာပူနိုင်ငံတွေကလွဲလို့ ကျန်နိုင်ငံတွေကိုလည်း JICA  ကအကူအညီတွေပေးနေတယ်လို့သိရပါတယ်။မြန်မာနိုင်ငံကို ကဏ္ဍမျိုးစုံအကူအညီပေးနေပြီး ပြီးခဲ့တဲ့ ၂၀၁၇ နှစ်ကုန်ပိုင်းက SME တွေအတွက် ချေးငွေထုတ်ပေးမယ့်အစီအစဉ်တွေမှာလည်း JICA  က ဘဏ္ဍာရေးဆိုင်ရာ အကူအညီတွေပေးအပ်ခဲ့ပါတယ်။
 
 

Related News