စေတိယင်္ဂဏ ပရိယတ်္တိ ဓမ္မာနုဂ္ဂဟ စာလျှောက်စာမေးပွဲ အောင်မြင်တော်မူခဲ့တဲ့ ဆရာတော် တွေဟာ ပျံလွန်တော်မူပြီး ဆရာတော်တွေအပါအ၀င် အပါး (၁၂၀၀)နီးပါးထိ ရှိနေတယ်လို့ ဖေဖော်ဝါရီလ (၁၈)ရက်က ပြုလုပ်ခဲ့တဲ့ စေတိယင်္ဂဏ ပရိယတ်္တိ ဓမ္မာနုဂ္ဂဟ  စာလျှောက်စာမေးပွဲ နှစ်တစ်ရာပြည့် အထိမ်းအမှတ်ပူဇော်ပွဲမှ သိရပါတယ်။စေတိယင်္ဂဏ ပရိယတ်္တိ ဓမ္မာနုဂ္ဂဟ ဟ စာလျှောက်စာမေးပွဲ နှစ်တစ်ရာပြည့်နှစ်မှာတော့ စာသင်သံဃာ (၄)ပါးနဲ့ စာချသံဃာ (၃)ပါး အောင်မြင်ခဲ့တယ်လို့သိရပါတယ်။
 
နှစ် (၁၀၀)ပြည့် အခမ်းအနားမှာတော့ နှစ် (၁၀၀)အတွင်း စာမေးပွဲအောင်မြင်ခဲ့ပြီးတဲ့ စာအောင်ဆရာတော်များ၊ စာမေးပွဲကြီးကို စဉ်ဆက်မပြတ် စောင့်ကြပ်ပေးခဲ့တဲ့ ဆရာတော်ကြီးတွေ နဲ့သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီးတို့ က အခမ်းအနား ကိုတက်ရောက်ခဲ့ကြပါတယ်။
 
ပရိယတ္တိရှင်သန်ရေးအတွက် ပရိယတ်္တိကိုလေ့လာသင်ကြားပို့ချတဲ့ သံဃာတော်တွေ အများအပြား ပေါ်ထွက်လာစေဖို့ ရည်ရွယ်ပြီး ဒီစာမေးပွဲကို အကောင်အထည်ဖော် ကျင်းပခဲ့တာ ဖြစ်တယ်လို့ သိရပါတယ်။နှစ်(၁၀၀)ပြည့်အထိမ်းအမှတ် ပူဇော်ပွဲအတွက် သာသနာရေးနှင့်ယဉ်ကျေးမှုဝန်ကြီးဌာနက အလှူတော်ငွေ သိန်း (၅၀)ကိုလည်း ပေးအပ်လှူဒါန်းခဲ့ပါတယ်။ ညနေပိုင်းမှာတော့ အခမ်းအနားကို ကြွရောက်ခဲ့ကြတဲ့ သံဃာတော် (၂၉၃)ပါးကို ဆွမ်းဆန်စိမ်းများ လောင်းလှူပူဇော်ခဲ့ကြပါတယ်။ 
 
 

Related News