အနည်ကျချိုင့်ဝှမ်းတွေရှိတဲ့ မြန်မာနိုင်ငံအလယ်ပိုင်းဒေသတွေမှာ ရေနံနဲ့သဘာဝဓာတ်ငွေ့   ကုန်းတွင်းလုပ်ကွက်သစ်တွေထပ်ရှာဖို့ ဘူမိဗေဒတိုင်းတာမှုပြုလုပ်ဖို့စီစဉ်နေပြီလို့ မြန်မာ့ရေနံနှင့် သဘာဝဓာတ်ငွေ့လုပ်ငန်းမှသိရပါတယ်။ကုန်းတွင်းလုပ်ကွက်သစ်တွေအဖြစ် အနည်ကျချိုင့်ဝှမ်းတွေရှာဖို့ ရှမ်းကုန်းပြင်မြင့်နဲ့ကချင်ပြည် နယ်ဘက်မှာထပ်ရှာဖို့စီစဉ်နေသလို လက်ရှိရေနံနဲ့သဘာဝဓာတ်ငွေ့ထွက်ရှိနေတဲ့ ပခုက္ကူကနေ ဧရာဝတီမြစ်ဝကျွန်းပေါ်အနား ဟူကောင်းချိုင့်ဝှမ်းကနေ မြစ်ဝကျွန်းပေါ်နားအထိ ရေနံနဲ့ သဘာဝဓာတ်ငွေ့ရှိနိုင်ကြောင်း မြန်မာ့ရေနံနှင့်သဘာဝဓာတ်ငွေ့လုပ်ငန်းကသုံးသပ်ထားပါတယ်။ မြန်မာနိုင်ငံမှာ လက်ရှိ ရေနံနဲ့သဘာဝဓာတ်ငွေ့လုပ်ကွက်အနေနဲ့ ကုန်တွင်းလုပ်ကွက်(၅၃)ကွက် နဲ့ ကမ်းလွန်လုပ်ကွက်(၅၁)ကွက် ဒီစုစုပေါင်း လုပ်ကွက်(၁၀၄)ကွက်ရှိနေပြီး ကုန်းတွင်းမှာ ကုမ္ပဏီ(၁၇)ခုနဲ့ကမ်းလွန်မှာ ကုမ္ပဏီ(၂၀)က တင်ဒါရယူလုပ်ကိုင်နေတာဖြစ်ပါတယ်။
 
ဒီလုပ်ကွက်(၁၀၄)ကွက်ထဲက ကုန်တွင်း (၃၇)ကွက်နဲ့ ကမ်းလွန်လုပ်ကွက်(၃၈)ကွက် စုစုပေါင်း(၇၅)ကွက်သာ လုပ်ငန်းလုပ်ဆောင်နေတာဖြစ်ပါတယ်။ကျန်တဲ့အကွက်တွေအတွက် ၂၀၁၃ခုနှစ်က နောက်ဆုံးတင်ဒါခေါ်ယူထားပြီး လက်ရှိမှာ လုပ်ကွက်အလားအလာအတွက် လေ့လာမှုတွေ လုပ်နေကြတာဖြစ်ပါတယ်။
 
တဖက်မှာလည်း တွက်ခြေကိုက်မှု၊တွင်းရဲ့ရေနံရရှိ နိုင် မှုနဲ့နည်းပညာပိုင်းတွေအပါအ၀င် ရေရှည်အကျိုး အမြတ်ကြောင့် ထုတ်လုပ်မှုစာချုပ်မချုပ်ပဲ လေ့လာမှု ပြုလုပ်တဲ့အဆင့်မှာတင် လုပ်ကွက်ပြန်အပ်သွားတဲ့အကွက်ဟာ (၂၀)နီးပါးရှိနေတယ်လို့ လည်းသိရပါတယ်။လက်ရှိမှာ လုပ်ကွက်တစ်ခုရဲ့ ဖြစ်နိုင်ချေအလားအလာကိုတော့ (၃)နှစ်ကနေ (၅)နှစ်အထိစာချုပ်ချုပ်ပြီး ရှာဖွေရေးလုပ်ဆောင်ကြကာ အဲ့ဒီနောက်မှာတော့ ထုတ်လုပ်မှုစာချုပ် ထပ်မံချုပ်ဆိုပြီး လုပ်ငန်းလုပ်ကိုင်ကြတာဖြစ်ပါတယ်။
 
မြန်မာ့ရေနံနှင့်သဘာဝဓာတ်ငွေ့လုပ်ငန်းရဲ့ အချက်အလက်တွေအရ မြန်မာနိုင်ငံမှာ ရေနံ တစ်ရက်ကို ကုန်းတွင်းကနေ စည်(၇၀၀၀)နဲ့ကမ်းလွန်ကနေ လေစည်အနေနဲ့စည်(၅၀၀၀)နီးပါး ထွက်ရှိနေပါတယ်။သဘာဝဓာတ်ငွေ့ကတော့ ကုန်းတွင်းလုပ်ကွက်တွေကနေ တစ်ရက်ကို ကုဗပေသန်း(၅၀)နဲ့ကမ်းလွန်လုပ်ကွက်တွေကနေ တစ်ရက်ကို ကုဗပေသန်း(၂၀၀၀) နီးပါးထွက်ရှိနေ
တယ်လို့သိရပါတယ်။ှီုဃဗ ရဲ့ အချက်အလက်တွေအရ ရေနံနဲ့သဘာဝ ဓာတ်ငွေ့ကဏ္ဍကို နိုင်ငံခြားရင်းနှီးမြုပ်နှံမှုအသစ်ထပ်မံမ၀င်ရောက်တာ နှစ်နှစ်ရှိပြီဖြစ်ပေမယ့် နောက်ဆုံး(၇)နှစ် အတွင်းမှာတော့ ရေနံနဲ့သဘာဝဓာတ်ငွေ့ကဏ္ဍကို နိုင်ငံခြားရင်းနှီးမြုပ်နှံမှု(FDI) အမေရိကန် ဒေါ်လာ (၈)ဘီလီယံခွဲနီးပါးဝင်ရောက်ထားပြီး FDI အများဆုံးဝင်ရောက်ထားတဲ့ကဏ္ဍဖြစ်ပါတယ်။
 
 

Related News