အီးယူဘက်က ပိတ်ဆို့ထားတဲ့မလေးရှားဆီအုန်းလုပ်ငန်းတွေကို ပြန်လည်ဖြေလျော့ ပေးလိုက်ပြီဖြစ်တယ်လို့ မလေးရှားအာဏာပိုင်တွေက ဖေဖော်ဝါရီလ(၁၈)ရက်မှာပြောပါတယ်။ မလေးရှားနိုင်ငံက ဆီအုန်းလုပ်ငန်းတွေကို ဆန့်ကျင်ပိတ်ဆို့ထားတဲ့ ဥရောပသမဂ္ဂ (E.U) အဖွဲ့ဝင်နိုင်ငံတွေကနေ မလေးရှားကိုဖြေ လျော့မှုတွေပြန်လုပ်လိုက်ပြီဖြစ်ပါတယ်။ မလေးရှားဆီအုန်းလုပ်ငန်းရှင်တွေပါဝင်တဲ့ မလေးရှားကိုယ်စားလှယ်အဖွဲ့နဲ့အတူ ဥရောပ ကိုသွားရောက်ခဲ့တဲ့ခရီးစဉ်မှာ မလေးရှားနဲ့အီးယူကြားဆီအုန်းဆိုင်ရာကိစ်္စရပ်တွေကို အကြံပြုခဲ့နိုင်တဲ့ အတွက် အခုဖြေလျော့မှု တွေပြန်လုပ်နိုင်တာဖြစ်တယ်လို့ မလေးရှားစိုက်ပျိုးရေး၊ စက်မှုလုပ်ငန်းနှင့် လူသုံးကုန်ဆိုင်ရာဝန်ကြီး မာဆူးကျောင်းကပြောပါ တယ်။
 
အီးယူရဲ့ဇီဝလောင်စာအစီအစဉ်ကနေ ဆီအုန်းတွေကို(၂၀၂၀)ခုနှစ်မှာဖယ်ထုတ်ဖို့ ပြီးခဲ့တဲ့ဇန်န၀ါရီလ(၁၇)ရက်မှာ အီးယူ လွှတ်တော်ကနေဆုံးဖြတ်ခဲ့ပြီး တောပြုန်းနိုင်တဲ့အတွက် အဲဒီဆုံးဖြတ်ချက်ချခဲ့တာဖြစ်တယ်လို့ အီးယူဘက်ကပြောပေမဲ့ အဲဒီဆုံး ဖြတ်ချက်ကို ပြင်သစ်၊ ဆွီဒင်၊ ဗြိတိန်၊ ဂျာမနီ၊ နယ်သာလန်နဲ့ စပိန်နိုင်ငံတို့က ကန့်ကွက်ခဲ့ကြပါတယ်။
 
မလေးရှားနိုင်ငံက ဆီအုန်း စိုက်ပျိုးရေးလုပ်ငန်းတွေကို ကုမ္ပဏီကြီးတွေကလက်ဝါးကြီးအုပ်နေတယ်လို့ အီးယူနိုင်ငံတွေကယူဆနေကြပေမဲ့ မလေးရှားဆီ အုန်းစိုက်ပျိုးမှုရဲ့(၄၀)ရာခိုင်နှုန်းကို တစ်ပိုင်တစ်နိုင်စိုက်ပျိုးနေသူတွေက လုပ်ဆောင်နေတာဖြစ်တဲ့ အတွက် ပိတ်ဆို့မှုတွေပြုလုပ် မယ်ဆိုရင် အသေးစားလုပ်ငန်းရှင်(၆၅၀၀၀၀)ကျော်ကို နစ်နာစေလိမ့်မယ်ဆိုတာ အီးယူဘက်ကိုရှင်းပြခဲ့တယ်လို့ မာဆူးကျောင်း ကပြောပါတယ်။ ပိတ်ဆို့မှုတွေပြုလုပ်သွားမယ်ဆိုတဲ့ဆုံးဖြတ်ချက်ကို မလေးရှားအစိုးရဘက်က ဆန့်ကျင်ခဲ့ပြီး မျှတတဲ့ကုန်သွယ် မှုစနစ်ကိုလိုလားတယ်လို့လည်း ရှင်းပြခဲ့တယ်ဆိုပြီးသိရပါတယ်။ ဆီအုန်းလုပ်ငန်းဟာ မလေးရှားနိုင်ငံမှာ ပုံမှန်ထိန်းသိမ်းလည် ပတ်နေတဲ့လုပ်ငန်းဖြစ်ပြီး တောမပြုန်းရေးအတွက် မလေးရှားအစိုးရက ရေရှည်မူဝါဒတွေ ချမှတ်ထားတယ်လို့ မာဆူးကျောင်းက ပြောပါတယ်။ 
 
 

Related News