(၂၀၁၈)ခုနှစ် အပြည်ပြည်ဆိုင်ရာ အမျိုးသမီးများနေ့အခမ်းအနားကို မတ်လ(၈)ရက်က ရန်ကုန်မြို့ရှိ မြန်မာနိုင်ငံဆရာဝန်များအသင်းခန်းမမှာ ပြုလုပ်ခဲ့ပါတယ်။ အခမ်းအနားကို ရန်ကုန်တိုင်းဒေသကြီးအစိုးရအဖွဲ့၊ ရန်ကုန်တိုင်းဒေသကြီး လူမှုဝန်ထမ်းဦးစီးဌာနက ဦးစီးကျင်းပခဲ့တာ ဖြစ်ပါတယ်။ ဒီနှစ် အပြည်ပြည်ဆိုင်ရာ အမျိုးသမီးများနေ့ဆောင်ပုဒ်မှာ ““အမျိုးသမီးဘ၀မြှင့်တင်ဖို့ ကျေးလက်နှင့် မြို့ပြတက်ကြွလှုပ်ရှားသူများ ပူးပေါင်းလို့ ယခုပင်ကြိုးပမ်းကြပါစို့””ဆိုတဲ့ ဆောင်ပုဒ်ကို သတ်မှတ်ထားတယ်လို့ သိရပါတယ်။

ပြည်တွင်းမှာရှိတဲ့ အမျိုးသမီးတွေအနေနဲ့ တန်းတူအခွင့်အရေးရရှိစေရန်၊ ကျေးလက်နေအမျိုးသမီးများ ပညာရေး၊ စီးပွားရေးကဏ္ဍ မြှင့်တင့်လာစေရန်၊  အမျိုးသမီးများရသင့်တဲ့အခွင့်အရေးတွေကို အပြည့်အ၀ရရှိနိုင်စေရန် ရည်ရွယ်ပြီး ပြုလုပ်တာဖြစ်တယ်လို့ သိရပါတယ်။ပြည်တွင်းမှာ ကျေးလက်နေပြည်သူဟာ (၇၀)ရာခိုင်နှုန်းကျော်ရှိပေမယ့် အမျိုးသားအများစု ကတော့ မြို့ပြတွေနဲ့ ပြည်ပနိုင်ငံတွေမှာသွားရောက်အလုပ်လုပ်ကိုင်နေတာကြောင့် ကျေးလက်ဒေသမှာ အမျိုးသမီးတွေကပဲ ဦးဆောင်နေရတာဖြစ်ပါတယ်။ ကျေးလက်နေအမျိုးသမီးများ ကဏ္ဍပိုမိုမြှင့်တက် လာစေရန် အထူးအလေးပေးလုပ်ဆောင်ရမှာ ဖြစ်တယ်လို့ သိရပါတယ်။

မြန်မာနိုင်ငံမှာ လူဦးရေ ၅၁ ဒသမ ၄၈သန်းရှိပြီး အမျိုးသမီးလူဦးရေဟာ အမျိုးသား လူဦးရေထက် ၁ ဒသမ ၈ သန်းပိုများနေတယ်လို့ မြန်မာနိုင်ငံမှာကောက်ယူရရှိခဲ့တဲ့ (၂၀၁၄)ခုနှစ် လူဦးနှင့် အိမ်အကြောင်းအရာသန်းခေါင်စာရင်းတွေအရ သိရပါတယ်။

 

 

Related News