ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့မှ ရန်ကုန်မြို့အတွင်းရှိ သမို်င်းဝင်အဆောက်အအုံ၊ ရှေးဟောင်းအဆောက်အအုံတွေကို ရှာဖွေဖော်ထုတ်ပြီး သမိုင်းဝင်နေရာဖြစ် အသိအမှတ်ပြုတဲ့အနေနဲ့ အပြာရောင်ကမ်္ပည်းပြားတွေကိုတပ်ဆင်နေတာဖြစ်ပါတယ်။ အပြာရောင်ကမ်္ပည်းပြားတွေကို အဆောက်အအုံ တစ်ရာဝန်းကျင်အထိ တပ်ဆင်သွားဖို့ ရည်ရွယ်ထားတယ်လို့ သိရပါတယ်။ ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့အနေနဲ့ ၂၀၁၄ခုနှစ်မှ စတင်ကာ ရန်ကုန်မြို့အတွင်းရှိ သမိုင်းဝင်အဆောက်အအုံ ရှေးဟောင်းအဆောက်အအုံတွေကို ရှေးဟောင်း အမွေအနှစ်အဆောက်အအုံအဖြစ် အပြာရောင်ကမ္ပည်းပြားတပ်ဆင်လာတာ အခုဆိုရင် အဆောက်အအုံ(၂၁)ခုကို တပ်ဆင်ပေးထားခဲ့ပြီးဖြစ်ပါတယ်။ (၂၁)ခုမြောက်အနေနဲ့ အထက(၁)ဒဂုံကို ၂၀၁၈ ခုနှစ် ဇန်န၀ါရီလ(၂၁)ရက်နေ့က အပြာရောင်ကမ်္ပည်းပြားတပ်ဆင်ခဲ့တာ ဖြစ်ပါတယ်။

ရန်ကုန်ပြည်သူ့ဆေးရုံကြီးကိုတော့ ၂၀၁၇ ခုနှစ် အောက်တိုဘာလ(၂၅)ရက်နေ့က ၁၉ ခုမြောက် အပြာရောင်ကမ္ပည်းပြားကို တပ်ဆင်ခဲ့တာ ဖြစ်ပါတယ်။ ဒီဆေးရုံကြီးဟာ နှစ်ပေါင်း၁၀၀ကျော်သွားပြီဖြစ်သလို သမိုင်းဝင်အဆောက်အအုံတစ်ခုလဲဖြစ်တာကြောင့် အပြာရောင်ကမ္ပည်းပြားတပ်ဆင်ခဲ့တာဖြစ်တယ်လို့ သိရပါတယ်။ အဆောက်အအုံတွေမှာ တပ်ဆင်တဲ့ အပြာရောင်ကမ္ပည်းပြားတွေကို ပြည်ပကနေမှာယူရတာ ဖြစ်ပြီး ပြင်ပက မိုးဒဏ်လေဒဏ်ကိုနှစ်များစွာ ကြာရှည်ခံနိုင်အောင်လဲ ပြုလုပ်ထားတယ်လို့ သိရပါတယ်။ ရန်ကုန်မြို့ပြအမွေအနှစ်ထိန်းသိမ်းစောင့်ရှောက်ရေးအဖွဲ့ကို ၂၀၁၂ ခုနှစ်က စတင်ဖွဲ့စည်းခဲ့ပြီး ရန်ကုန်မြို့တွင်းမှာရှိတဲ့ သမိုင်းဝင်အဆောက်အဦးတွေ ရှေးဟောင်းအဆောက်အဦးတွေ ယဉ်ကျေးမှု အမွေအနှစ်တွေကို ထိန်းသိမ်းစောင့်ရှောက်ဖို့ရည်ရွယ်ချက်နဲ့ ဖွဲ့စည်းတည်ထောင်ခဲ့တာ ဖြစ်တယ်လို့ သိရပါတယ်။  

 

 

 

Related News