မြန်မာ့အာမခံလုပ်ငန်းရဲ့ သင်္ဘောသားအသက်အာမခံနဲ့အလုံးစုံ မော်တော်ယာဉ်ပျက်စီးမှု အတွက် အာမခံလျော်ကြေး ပေးအပ်ပွဲကို မတ်လ(၉)ရက်က ရန်ကုန်မြို့ရှိ မြန်မာ့အာမခံလုပ်ငန်းမှာ ပြုလုပ်ခဲ့ပါတယ်။  မြန်မာ့အာမခံလုပ်ငန်း၊ အသက်အာမခံဌာနအနေနဲ့ သင်္ဘောသားအသက် အာမခံဝယ်ယူသူများအနက် ကွယ်လွန်သူ သင်္ဘောသား(၃)ဦးအတွက် တစ်ဦးလျှင် ငွေကျပ် သိန်း(၅၀)စီပေးလျော်ခဲ့ပါတယ်။ သူတစ်ပါးထိခိုက်မှုအာမခံဌာနမှလည်း အလုံးစုံမော်တော်ယာဉ် အာမခံထားရှိတဲ့ မော်တော်ယာဉ် (၂)စီးအတွက် လျော်ကြေးငွေကျပ် ငါးရာနှစ်ဆယ့် ငါးသိန်းလေးသောင်းကျော်တို့ကို ပေးလျော်ခဲ့ပါတယ်။

အလုံးစုံမော်တော်ယာဉ် ပျက်စီးမှု အာမခံ အမျိုးအစားကတော့ မော်တော်ယာဉ် ထိခိုက်ပျက်စီးမှုအတွက်ထားရှိတဲ့ အမျိုးအစားဖြစ်ပြီး မြန်မာအာမခံ လုပ်ငန်းအပြင် ပုဂ်္ဂလိက အာမခံကုမ်္ပဏီတွေမှာလည်း ထားရှိဆောင်ရွက်နိုင်တယ်လို့ သိရပါတယ်။ မြန်မာ့အာမခံလုပ်ငန်းက သဘောင်္သားအာမခံလုပ်ငန်းကို ၂၀၀၃-၂၀၀၄ ခုနှစ်မှာ စတင်လုပ်ကိုင်ခဲ့ပြီး ဒီအာမခံ အမျိုးအစား အတွက် နှစ်စဉ်သဘောင်္သား ၄၀၀န်းကျင်ကို အာမခံ လျော်ကြေးပေးနေရတယ်လို့လဲ သိရပါတယ်။ မြန်မာ့အာမခံလုပ်ငန်းအနေနဲ့ (၂၀၁၇-၂၀၁၈)ဘဏ္ဍာရေးနှစ်မှာ သင်္ဘောသားအသက် အာမခံအတွက် ငွေကျပ် (၈၄.၅)သန်းကိုပေးလျော်ပြီးဖြစ်တယ်လို့သိရပါတယ်. မြန်မာ့အာမခံ လုပ်ငန်းကို (၁၉၅၂)ခုနှစ်ကစတင်တည်ထောင်ခဲ့တာဖြစ်ပြီး လက်ရှိအချိန်မှာ အာမခံအမျိုးအစား (၂၉)မျိုးကို လက်ခံဆောင်ရွက်ပေးနေတယ်လို့သိရပါတယ်။ 

 

Related News