တိုင်းရင်းသားစွန့်ဦးတီထွင်လုပ်ငန်းရှင်များအဖွဲ့ဖွဲ့စည်းနိုင်ရန်အတွက် တိုင်းရင်းသား စွန့်ဦးတီထွင်လုပ်ငန်းရှင်တွေရဲ့ အမည်စာရင်းစတင်ကောက်ခံနေတယ်လို့ မတ်လ ၉ရက်က မန္တလေးတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်းများအသင်း(MRCCI) ရုံးမှာပြုလုပ်တဲ့ ဆွေးနွေးပွဲကသိရပါတယ်။ 
 
တိုင်းရင်းသားလူမျိုးရေးရာဝန်ကြီးဌာနက  တိုင်းရင်းသားလူမျိုး စဉ်ဆက်မပြတ် ဖွံ့ဖြိုးတိုးတက် မှု ဖိုရမ်ကို ၂၀၁၈ခုနှစ်၊ ဇန်န၀ါရီလ ၁၈ရက် မှ ၁၉ရက် အထိနေပြည်တော် မှာကျင်းပခဲ့ပြီး ဒီဖိုရမ်ရဲ့ ဆွေးနွေးမှုတွေအရ တိုင်းရင်းသားလူမျိုးတွေရဲ့ စီးပွားရေးနဲ့ပတ်သက်ပြီး တိုင်းရင်းသား စွန့်ဦးတီထွင် လုပ်ငန်းရှင်များအဖွဲ့ကို ပြည်ထောင်စုသမ္မတ မြန်မာနိုင်ငံတော် ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ် UMFCCI ကဖွဲ့စည်းဆောင်ရွက်သွားဖို့ စီစဉ်ထားတယ်လို့ သိရပါတယ်။ ဒီလိုဖွဲ့စည်းနိုင်ဖို့အတွက်  မန္တလေးတိုင်းဒေသကြီး ကုန်သည်များနှင့်စက်မှုလက်မှု လုပ်ငန်းရှင်းများအသင်း(UMFCCI)က တိုင်းရင်းသားစွန့်ဦးတီထွင်လုပ်ငန်းရှင်တွေရဲ့ အမည်စာရင်းကို စတင်ကောက်ယူနေပြီလို့  UMFCCI က တာဝန်ရှိသူက ပြောပါတယ်။
 
(UMFCCI) အနေနဲ့ မန္တလေးတိုင်းဒေသကြီးမှာရှိတဲ့ တိုင်းရင်းသားလူမျိုးအစုအဖွဲ့ ၁၆ ဖွဲ့နဲ့ မန္တလေးတိုင်းဒေသကြီး လူငယ်စွန့်ဦးတီထွင်လုပ်ငန်းရှင်များအသင်း (UMFCCI)တို့က တိုင်းရင်းသားစွန့်ဦးတီထွင်လုပ်ငန်းရှင်အမည်စာရင်းတွေကို ကောက်ခံနေတာဖြစ်ပြီး အမည် စာရင်းတွေကို မတ်လ၁၄ရက်မှာ မန္တလေးတိုင်းဒေသကြီးအစိုးရအဖွဲ့ကို ပေးပို့သွားမှာဖြစ်တယ်လို့ သိရပါတယ်။ 
 
တိုင်းရင်းသားစွန့်ဦးတီထွင်လုပ်ငန်းရှင်များအဖွဲ့ ဖွဲ့စည်းနိုင်ပြီဆိုရင် တိုင်းရင်းသား လုပ်ငန်းရှင်တွေအနေနဲ့ စီးပွားရေးဆိုင်ရာလုပ်ငန်းတွေကိုလည်း ပိုမိုကျယ်ပြန့်စွာအချင်းချင်း ချိတ်ဆက်လုပ်ဆောင်နိုင်လာမှာဖြစ်ပြီး တိုင်းရင်းသား စွန့်ဦးတီထွင်စီးပွားရေးလုပ်ငန်းရှင်တွေ စည်းလုံးလာဖို့နဲ့ စီးပွားရေးဖွံ့ဖြိုးလာဖို့တွေအတွက် အထောက်ကူဖြစ်စေမှာ ဖြစ်တယ်လို့သိရပါတယ်။
 
 

Related News