ကမ္ဘာ့ဘဏ်အုပ်စုအဖွဲ့ဝင်ဖြစ်တဲ့ နိုင်ငံတကာငွေကြေးရန်ပုံငွေအဖွဲ့(IFC)၊ မြန်မာနိုင်ငံ ငွေချေးသက်သေခံလက်မှတ် လုပ်ငန်းကြီးကြပ်ရေးကော်မှရှင်(SECM)နဲ့ ရန်ကုန်စတော့ အိတ်ချိန်းတို့ ပူးပေါင်းပြီး ကျားမတန်းတူညီမျှရေးအတွက် အချက်ပေးခေါင်းလောင်းတီးနှိုးဆော်ခြင်း အစီအစဉ်ကို မတ်လ(၉)ရက်နေ့က ရန်ကုန်စတော့အိတ်ချိန်းရုံးအဆောက်အအုံမှာ ပြုလုပ်ခဲ့ပါတယ်။
ဒီအစီအစဉ်ကို ကမ္ဘာပေါ်က စတော့အိတ်ချိန်းတွေမှာ နှစ်စဉ်ပြုလုပ်နေတာဖြစ်ပြီး မြန်မာနိုင်ငံအနေနဲ့ ဒုတိယအကြိမ် ပါဝင်ပူးပေါင်းကျင်းပတာဖြစ်ပါတယ်။ အခုနှစ်မှာတော့ ကမ္ဘာပေါ်ရှိ စတော့အိတ်ချိန်း (၆၀)ကျော်က ခေါင်းလောင်းတီးခြင်းအစီအစဉ်ကို တပြိုင်နက်ပြုလုပ်တာ ဖြစ်ပါတယ်။

အမျိုးသမီးတွေရဲ့ ပါဝင်နိုင်မှုအခန်းကဏ္ဍက အရင်ကထက် ပိုမိုများပြားလာပေမယ့် အရေးပါတဲ့ နေရာ၊ ရာထူးတွေမှာ ပိုမိုပါဝင်ဆောင်ရွက်ခွင့်တွေအတွက် အခုနှစ် အခမ်းအနားက ဦးတည်တယ်လို့ သိရပါတယ်။ခေါင်းလောင်းတီးနှိုးဆော်ခြင်းအစီအစဉ်နဲ့အတူ အမျိုးသမီးတွေရဲ့ အခန်းကဏ္ဍ၊ စိန်ခေါ်မှုနဲ့ အရေးပါမှုတွေအတွက် စကားဝိုင်းဆွေးနွေးပွဲတစ်ခုကိုလည်း ပြုလုပ်ခဲ့ပါတယ်။ကမ္ဘာ့စီးပွားရေးဖိုရမ် ၂၀၁၇အစီရင်ခံစာအရ ကမ္ဘာ့ကျားမတန်းတူ မညီမျှမှု လိုအပ်ချက်အတွက် ထိရောက်စွာ ဆောင်ရွက်ခြင်းဖြင့် လာမယ့်(၇)နှစ်အတွင်း နိုင်ငံတွေရဲ့ ပြည်တွင်း စုစုပေါင်း ထုတ်ကုန်(GDP)ကို ၅.၃ ထရီလီယံအထိ မြှင့်တင်နိုင်ရန်အလားအလာရှိတယ်လို့ ဖော်ပြထား ပါတယ်။ 

 

 

Related News