ယခုနှစ်မဟာသင်္ကြန်အတွက် နေပြည်တော်မှာ မဏ္ဍပ်ဆောက်လုပ်ခွင့် အတွက်တင်ပြလာပါက ခွင့်ပြုသွားမှာ ဖြစ်ပြီး လက်ရှိအချိန်မှာတော့တည်ဆောက်မဲ့မဏ္ဍပ်အရေအတွက်ကို မသိရသေးဘူးလို့ နေပြည်တော်စည်ပင်သာယာရေးကော်မတီက သိရပါတယ်။နေပြည်တော်မဟာသင်္ကြန်အတွက် မဏ္ဍပ်ဆောက်လုပ်ခွင့်ကို ယခု မတ်လ(၁၂)ရက်က စတင်တင်ပြခွင့်ပြုထားပြီး လက်ရှိအချိန်အထိ ရွှေဧည့်သည်ဟိုတယ်ရှေ့မှာအလျားပေ(၂၀၀)ရှိတဲ့ မဏ္ဍပ်ဆောက်လုပ်ခွင့်အတွက် တင်ပြထားတာရှိတယ်လို့ သိရပါတယ်။

ယခင်နှစ်သင်္ကြန်တုန်းကဆောက်လုပ်ခြင်းမရှိတဲ့ နာမည်ကြီးမဏ္ဍပ်အချို့လည်း ယခုနှစ်မှာတည်ဆောက်မယ်လို့ သိရပါတယ်။ ဒါ့အပြင် ယခင်နှစ်တွေကတည်ဆောက်ခဲ့တဲ့ ပျဉ်းမနားမြို့နယ်နဲ့အခြား မြို့နယ်တွေက မဏ္ဍပ်တွေအနေနဲ့လည်း ယခုနှစ်မှာထပ်မံပြုလုပ်နိုင်ဖို့တင်ပြသွားမယ်လို့ သိရပါတယ်။ နေပြည်တော်မဟာသင်္ကြန်အတွက် မြို့တော်ဝန်မဏ္ဍပ်ကိုလည်းဆောက်လုပ်သွားမယ်လို့သိရပြီး အဲဒီမြို့တော်ဝန်မဏ္ဍပ်မှာ ပထမဆုံးအကြိမ်အဖြစ် ရခိုင်ရိုးရာရေကစားမဏ္ဍပ်တစ်ခုကို လည်းထည့်သွင်းသွားမယ်လို့ သိရပါတယ်။

ရခိုင်ရိုးရာ ရေကစားမဏ္ဍပ်ကို ထည့်သွင်းတည်ဆောက် တာဟာ နေပြည်တော်မှာရခိုင်လူမျိုးတွေအများအပြားရှိပြီး မြန်မာ့ရိုးရာသင်္ကြန်နဲ့တိုက်ဆိုင်နေတာကြောင့် နေပြည်တော်ကောင်စီရဲ့ လမ်းညွှန်ချက်နဲ့ ထည့်သွင်းဖို့ စီစဉ်ခဲ့တာလို့သိရပါတယ်။ 

 

 

Related News